Jeŭrasajuz zabaraniaje paśla 2035 hoda vypuskać mašyny na bienzinie i dyzieli
Rada Jeŭrasajuza zaćvierdziła novyja metavyja pakazčyki Jeŭrasajuza pa skaračeńni vuhlarodnych vykidaŭ aŭtamabilaŭ. Heta značyć, što ŭžo ŭ 2035 hodzie budzie ŭviedziena praktyčna poŭnaja zabarona na realizacyju i ekspłuatacyju aŭtamabilaŭ ź bienzinavymi i dyzielnymi ruchavikami.
«Novyja normy vyznačajuć nastupnyja mety: uzrovień vykidaŭ u 2030—2034 hadach dla novych aŭtamabilaŭ pavinien być skaročany na 55% dla aŭtamabilaŭ i na 50% dla furhonaŭ u paraŭnańni z uzroŭniem 2021 hoda. Z 2035 hoda ŭzrovień vuhlarodnych vykidaŭ pavinien być skaročany na 100%», — havorycca ŭ dakumiencie.
Da hetaha suprać ekałahičnych mier vystupali Italija, Bałharyja, Partuhalija, Rumynija i Słavakija. Jany aścierahalisia, što ad zabarony na dyzielnyja aŭto mohuć paciarpieć takija vytvorcy, jak Ferrari i Lamborghini. Hetyja krainy nastojvali na adterminoŭcy pa rašeńni da 2040 hoda.
Sprečki pamiž siabrami ES pryviali da taho, što krainam daviałosia pajści na peŭny kampramis. Mašyny z ruchavikami ŭnutranaha zharańnia vypuskać paśla 2035-ha ŭsio ž zusim nie spyniać, ale jany pavinny buduć vykarystoŭvać vuhlarodna-niejtralnaje paliva, što nie vykidaje ŭ atmaśfieru dyjaksidu vuhlarodu. Mahčymaj alternatyvaj moža stać vadarod.
Pradstaŭniki aŭtaindustryi vitali dasiahnieńnie kampramisu. «Naša halina vitaje ŭpeŭnienaść u płanavańni, jakuju daje siońniašniaja viacha», — zajavili ŭ pres-słužbie Jeŭrapiejskaha abjadnańnia aŭtavytvorcaŭ Acea. Niejtralny z punktu hledžańnia technałohij padychod — heta najlepšy sposab dasiahnuć klimatyčnych met, dadali ŭ arhanizacyi.
«Takich «Aŭdzi» amal nie zastałosia». Pa jakich cenach biełarusy pradajuć narodnyja aŭtamabili
Paśla pierasiačeńnia biełaruskaj miažy mašyny ź Jeŭropy «hublajuć» dziasiatki tysiač kiłamietraŭ. Jak pradaŭcy padmanvajuć z prabieham aŭto
Trend: va ŭsich raźvitych krainach u moładzi jeździć za rulom bolš nie modna
Paśla vystupleńnia Łuhanskaha teatra ŭ Minsku adna z hladačak vyhuknuła «Słava Ukrainie!»5
Kamientary