U Salihorskim rajonie 17-hadovaha biaspraŭnika spyniali sa stralboj
«Ford» pryciahnuŭ uvahu narada DAI nieadekvatnaj manieraj jazdy. Inśpiektar padaŭ sihnał ab spynieńni, ale lehkavik tolki staŭ nabirać chutkaść, paviedamlaje pres-słužba MUS.
DAI pieraśledvała parušalnika, ale jon nie reahavaŭ na śvietłavyja i hukavyja sihnały słužbovaha aŭto. Bolš za toje, sprabujučy źjechać, kiroŭca pieravyšaŭ chutkaść i stvaraŭ realnuju pahrozu biaśpiecy navakolnych.
Dla spynieńnia mašyny było pryniataje rašeńnie ab vykarystańni zbroi. I tolki paśla papieradžalnych strełaŭ aŭtamabil spyniŭsia.
Za rulom akazaŭsia 17-hadovy navučeniec adnaho z kaledžaŭ Salihorska. «Ford» dastaŭleny na štrafstajanku, u dačynieńni da chłopca składzienyja administracyjnyja pratakoły, u tym liku za biaspraŭnaje kiravańnie transpartnym srodkam i nievykanańnie patrabavańniaŭ ab spynieńni.
Vylecieła ŭ nieviadomym kirunku śpikierka KR Anžalika Mielnikava30
Kamientary