Małady čałaviek u Klimavičach parezaŭ siabie i prydumaŭ złačynstva, kab tolki zastacca na noč u dziaŭčyny
20-hadovy navučeniec kaledža z Kaściukovickaha rajona pryjechaŭ u Klimavičy da dziaŭčyny, jakaja jamu padabałasia. Uvieś dzień jon pravioŭ ź joj, a ŭviečary źbiraŭsia jechać dadomu. Adnak źjazdžać maładomu čałavieku tak nie chaciełasia, što dziela taho, kab zastacca načavać u baćkoŭ dziaŭčyny, jon vyrašyŭ prykinucca achviaraj złačynstva.
Pa darozie da vakzała małady čałaviek znajšoŭ raźbituju plašku i askiepkam škła parezaŭ na sabie adzieńnie, nanios drapiny na žyvacie. Taksama chłopiec schavaŭ svaju sumku z mabilnikam, pašpartam i drobnaj sumaj hrošaj u biaźludnym miescy. Zatym pahrukaŭsia ŭ najbližejšy dom, haspadyni jakoha raspavioŭ, što na jaho napała dvoje mužčyn.
Žančyna patelefanavała ŭ milicyju. U rajonnym adździele milicyi chłopiec raskazaŭ historyju pra napad, a taksama zajaviŭ, što ŭ skradzienaj sumcy było šmat hrošaj.
Jak piša «Hołas Kaściukoŭščyny» navučenca kaledža na milicejskaj mašynie pavieźli na paznačanaje im «miesca złačynstva». Adnak nijakich śladoŭ ździejśnienaha hvałtu tam supracoŭniki milicyi nie vyjavili. U takoj situacyi małady čałaviek zmušany byŭ pryznacca, što ździejśniŭ zahadzia łžyvy danos, i pakazaŭ, dzie schavaŭ torbu z rečami.
U vyniku 20-hadovaha kaściukovickaha fantaziora sud pryhavaryŭ da pazbaŭleńnia voli na adzin hod z vyprabavalnym terminam.
Chto toj čaćviorty vajskoviec ZŠA, jakoha dahetul šukajuć? I jaki amal supadaje pa ŭzroście z amierykancam, zatrymanym pad Maładziečnam5
Chto toj čaćviorty vajskoviec ZŠA, jakoha dahetul šukajuć? I jaki amal supadaje pa ŭzroście z amierykancam, zatrymanym pad Maładziečnam
«Ludzi chočuć pieramovaŭ z tymi, chto maryć ich źniščyć fizična». Hutarka z Alaksandram Kabanavym pra žyćcio, «Biełpoł» i razychodžańnie ź Piatruchinym77
Kamientary