Miesi moža viarnucca ŭ «Barsiełonu». Pryčym jon hatovy pajści na panižeńnie zarobku
Stali viadomyja ŭmovy, jakija prapanujuć arhiencinskamu forvardu «Pary Sien-Žermien» Lijanelu Miesi ŭ katałonskaj «Barsiełonie».
Kłub choča zaklučyć z forvardam kantrakt na hod z opcyjaj jaho praciahnieńnia na adzin siezon. Zarobak, u adpaviednaści z pahadnieńniem, budzie składać 6-7 miljonaŭ jeŭra na hod. U «Barsiełonie» ŭpeŭnienyja, što arhienciniec vierniecca ŭ kłub pa zakančeńni kantraktu z PSŽ, paviedamlaje Sportskeeda.
29 sakavika žurnalist Žerar Ramera paviedamiŭ, što Miesi hatovy pajści na značnaje panižeńnie zarobku dziela viartańnia ŭ «Barsiełonu». Udakładniałasia, Miesi nie źbirajecca praciahvać kantrakt z PSŽ i viadzie aktyŭnyja pieramovy ź ispanskaj kamandaj.
Miesi padpisaŭ pahadnieńnie z PSŽ u žniŭni 2021 hoda. Da hetaha jon usiu karjeru vystupaŭ za «Barsiełonu», u składzie jakoj dziesiać razoŭ vyjhravaŭ čempijanat Ispanii i čatyry razy pieramahaŭ u Lizie čempijonaŭ. Ciapierašni kantrakt forvarda z francuzskim kłubam raźličany da červienia 2023 hoda z opcyjaj praciahnieńnia na adzin siezon.
Čytać taksama:
Lijaniel Miesi pryznany najlepšym futbalistam čempijanatu śvietu
Zbornaja Biełarusi pa futbole prajhrała i «hałoŭnuju hulniu». Hetym razam rumynam
Kamientary