U Biełarusi źniknuć papularnyja małočnyja brendy Activia i Actimel
Francuzski vytvorca małočnaj pradukcyi Danone płanuje admovicca ad brendaŭ Activia, Alpro, Actimel i Danone ŭ Rasii. Heta značyć, što ich nie stanie i ŭ Biełarusi, bo dla našaha rynku hetyja tavary vyrablalisia za ŭschodniaj miažoj, piša Office Life.
Krynica na rasijskim rynku, znajomaja z płanami zamiežnaha pradpryjemstva, raskazała haziecie «Iźviestija», što vytvorca moža vykarystoŭvać łakalnyja imiony dla tych tavaraŭ, jakija ciapier pradajucca pad asnoŭnymi markami. Da tradycyjnych małaka, kiefiru, tvarahu, śmiatany «Prastakvašyna» kampanija moža dadać johurty, tvarožnyja desierty i inšuju pradukcyju.
U Biełaruś małočnyja pradukty pad brendami Danone zavozili z Rasii — adpaviedna, brendaŭ Activia, Alpro, Actimel i Danone nie stanie i ŭ nas.
Danone stała ŭładalnikam małakapierapracoŭčych aktyvaŭ u Biełarusi ŭ druhoj pałovie 2010-ch u vyniku pahłynańnia svajho rasijskaha kankurenta — hrupy «Junimiłk». Da kanca 2021 hoda joj, akramia miascovaj handlovaj «dački» «DanonBieł», naležali tut kantrolnyja doli ŭ dvuch zavodach — «Danon Pružany» i «Danon Škłoŭ».
U kancy 2021 hoda pradpryjemstva «Danon Pružany», na jakim vyrablalisia takija brendy, jak «Prastakvašyna», «Śmiašaryki» i «Raściška», było rearhanizavanaje ŭ kampaniju «Pružany industryja». U mai 2022-ha jano było dałučanaje da byłoha partniora pa SP — Pružanskaha małočnaha kambinata. Likvidacyja biznesu z boku Danone nie kamientavałasia.
U lipieni 2022 hoda kampanija «Miłkstrejt» stała ŭładalnikam 49% doli ŭ «Danon Škłoŭ», jakoj raniej vałodaŭ Škłoŭski masłarobny zavod.
Kandydat u prezidenty ad kamunistaŭ zaklikaje zabrać i padzialić majomaść apazicyjanieraŭ15
Kamientary