«Zrabicie chacia b vyhlad, što my kłapocimsia pra hramadzian». Jak Dziaržduma RF prymała zakon ab elektronnych armiejskich pozvach VIDEA
Učora Dziaržduma RF pryniała ŭ druhim i ŭ kančatkovym trecim čytańni zakonaprajekt ab uručeńni elektronnych pozvaŭ. Jon, pa sutnaści, zakryvaje vyjezd z krainy tym, chto nie choča vajavać, i abmiažoŭvaje ŭ pravach uchilistaŭ.
Padčas čytańnia prajekta deputat ad KPRF Nina Astanina nazvała niepavahaj da deputataŭ i vybarščykaŭ pryniaćcie zakona z takoj chutkaściu.
«Prymać ceły zakon paśla taho, jak my pasłuchali televizijnyja intervju, i za dźvie hadziny, siedziačy ŭ hetaj zale, pahladzieli tekst hetaha zakona, — voś takoha jašče nie było na majoj pamiaci i na pamiaci maich kaleh», — skazała jana.
Pry hetym, pa słovach Astaninaj, aŭtary prajekta sami nie mohuć «vyrazna» adkazać na pytańni pra jaho. «Kali našy vybarščyki spytajuć pra źmiest kožnaha artykuła zakonaprajekta, ja nie mahu adkazvać hetak ža nievyrazna, jak, na žal, nie kryŭdujcie, Andrej Valerjevič [kiraŭnik dumskaha kamiteta pa abaronie Kartapołaŭ], vy adkazvali na našy pytańni. Vy praciahvajecie kožny raz adkazvać: «Padydzicie da nas, ja vam rastłumaču». Kali łaska, tłumačcie nam publična», — skazała deputatka.
Astanina daviała, što ŭ dakumiencie jość «prykryja niadbajnaści i pamyłki druku», a taksama niedapracoŭki. U pryvatnaści, u tekście zhadany Piensijny fond, jakoha ŭ Rasii ŭžo nie isnuje, jon byŭ skasavany ŭ pačatku 2022 hoda.
«Nu zrabicie vy chacia b vyhlad, što my kłapocimsia pra hramadzian!» — skazała jana.
Razhladam prajekta zastaŭsia niezadavoleny deputat ad KPRF Mikałaj Kałamiejcaŭ. Jon zajaviŭ, što pakiet papravak «surjozna» parušaje rehłamient i jaho nielha było pračytać za taki karotki termin, bo 58 staronak asnoŭnaha tekstu i 80 staronak papravak byli ŭniesieny ŭ bazu ŭ 13:29 hadzin taho ž dnia.
Niahledziačy na heta, za pryniaćcie zakonaprajekta deputaty prahałasavali adnahałosna, suprać — nichto.
Tolki adzin ustrymaŭsia. Heta byŭ deputat ad partyi «Spraviadlivaja Rasija — za praŭdu» Dźmitryj Kuźniacoŭ. Adnak jon paźniej patłumačyŭ, što zrabiŭ heta vypadkova — prosta «pamyłkova nacisnuŭ nie tuju knopku».
Łukašysty zrabili dypfejkavuju rassyłku, što Cichanoŭskaja sychodzić. Rychtavalisia davoli staranna5
Kamientary