«Ludzi stavili śviečki za zdaroŭje». Staršynia Viarchoŭnaha Suda vykazaŭsia nakont paviedamleńniaŭ pra svaju chvarobu
U listapadzie minułaha hoda Valancin Sukała vypaŭ z publičnaha pola. «Naša Niva» sa spasyłkaj na svaje krynicy paviedamlała, što heta adbyłosia, mierkavana, praź ciažkuju chvarobu. Staršynia Viarchoŭnaha Suda vykazaŭsia nakont svajho zdaroŭja.
Jon adznačyŭ, što infarmacyja była niedakładnaj.
«Napisali, što ja śmiarotna chvory i ŭžo znachodžusia ŭ reanimacyi. I potym, kudy b ja ni pryjšoŭ, kudy b ja ni pryjechaŭ, u mianie pytajucca pra majo zdaroŭje, telefanujuć z-za miažy, z Kanady, Rasii», — raspavioŭ kiraŭnik Viarchoŭnaha Suda, pryvodzić jaho słovy «Sputnik».
Jon taksama paviedamiŭ, što dachodziła da situacyj, kali ludzi ŭ zvarotach pisali, što molacca za jaho zdaroŭje i staviać śviečki.
Udakładnieńnie naviny pra staršyniu Viarchoŭnaha Suda Sukału
Chto taja prafsajuznaja aktyvistka z MAZa, jakaja paprasiła Łukašenku razabracca ŭ jutubie z «biehłymi»?5
Kamientary