Vialikabrytanija vydatkuje 100 miljonaŭ funtaŭ sterlinhaŭ na raspracoŭku ŭłasnaha «suvierennaha» štučnaha intelektu
Hetyja inviestycyi majuć dapamahčy krainie ŭ imknieńni zamacavacca ŭ jakaści navukova-techničnaj zvyšdziaržavy da 2030 hoda.
Nie paśpieli čytačy «Našaj Nivy» paharavać za Kitaj, čyje madeli štučnaha intelektu buduć adlustroŭvać «kaštoŭnaści sacyjalizmu», jak pryjšli naviny ad urada Vialikabrytanii. Premjer-ministr Ryšy Sunak i sakratarka pa technałohijach Mišel Donełan paabiacali pieršapačatkova vyłučyć 100 miljonaŭ funtaŭ sterlinhaŭ (kala 124,5 miljona dalaraŭ) dla stvareńnia pracoŭnaj hrupy, jakaja zojmiecca raspracoŭkaj brytanskaj madeli Foundation. Kamanda maje raspracavać štučny intelekt, jaki ŭ ideale zrobić krainu «suśvietna kankurentazdolnaj».
Ideja stvareńnia «pracoŭnaj hrupy» była natchnionaja padobnaj kamandaj, jakaja zajmałasia raspracoŭkaj vakcyny suprać COVID-19 u razhar pandemii, paviedamlaje Gov.uk. Hrupa budzie padparadkoŭvacca niepasredna premjer-ministru i sakratarcy pa technałohijach, a staršynia budzie abvieščany hetym letam.
Abiacanyja 100 miljonaŭ iduć u dadatak da 900 miljonaŭ funtaŭ sterlinhaŭ (1,1 miljarda dołaraŭ), užo vydzielenych u biudžecie Vialikabrytanii na vyličalnyja technałohii, a mienavita na supierkampjutar i na śpiecyjalnyja resursy dla daśledavańnia štučnaha intelektu.
Čynoŭniki staviać ambicyjnyja płany. Premjer-ministr Ryšy Sunak skazaŭ, što vykarystańnie patencyjału ŠI pryniasie vielizarnyja mahčymaści dla rostu ekanomiki, stvareńnia vakansij, jakija lepš apłačvajucca, i prahresu ŭ halinie achovy zdaroŭja i biaśpieki.
Spadarynia Donełan dadała taksama, što nadziejny ŠI moža zrabić revalucyju ŭ raspracoŭcy novych mietadaŭ miedycynskaha lačeńnia, u zmahańni sa źmianieńniem klimatu i ŭvohule maje palepšyć šmatlikija hramadskija pasłuhi.
Darečy, Vialikabrytanija ŭžo ŭ vialikaj stupieni prysutničaje ŭ halinie. Naprykład, kamanda Google DeepMind, jakaja bazujecca ŭ asnoŭnym u Łondanie, pravodzić pieradavyja daśledavańni ŠI. Adnak niadaŭni pośpiech ChatGPT, jaki źjaŭlajecca dziciom amierykanskaj kampanii OpenAI, prymušaje Vialikabrytaniju aktyvizavać vysiłki ŭ svaim namahańni stać samaj inavacyjnaj ekanomikaj u śviecie — tak finansavańnie adbyłosia paśla mierapryjemstva Business Connect, jakoje abjadnoŭvaje ŭrad i pramysłovaść u hetym imknieńni.
Čytajcie taksama:
Brytanija pieradaść Ukrainie braniabojnyja bojeprypasy sa źbiednienym uranam
Ukrainskija ekipažy viartajucca va Ukrainu paśla navučańnia na brytanskich tankach Challenger 2
Ciapier čytajuć
Raptoŭna pamior Uładzimir Usier — niemałady aktyvist, jaki ŭlapaŭsia ŭ film BT i špijanaž u Polščy27
Kamientary