Naftahazavyja dachody Rasii ŭ krasaviku 2023-ha źmienšylisia na 64% u paraŭnańni z krasavikom minułaha hoda, vynikaje z danych rasijskaha Minfina.
Dachody fiederalnaha biudžetu Rasii ad prodažu nafty i hazu, jakija składajuć asnovu dziaržaŭnaj kazny, u krasaviku 2023 hoda ŭpali na 64% da anałahičnaha pieryjadu 2022 hoda, skaraciŭšysia na 5,9% da sakavika hetaha hoda. Pra heta śviedčyć infarmacyja, apublikavanaja rasijskim Minfinam.
Pavodle acenki Minfina, naftahazavyja dachody ŭ krasaviku skłali 647,5 miljarda rubloŭ u paraŭnańni z 1,798 tryljona rubloŭ u krasaviku 2022 hoda i 688,2 miljarda rubloŭ u sakaviku 2023 hoda.
Rasijski Minfin zakłaŭ u biudžet-2023 skaračeńnie naftahazavych dachodaŭ na 23% da minułaha hoda da 8,94 tryljona rubloŭ, prahnazujučy deficyt pa vynikach hoda na ŭzroŭni amal 3 tryljony rubloŭ, abo 2% VUP.
Z pačatku hoda viedamstva z dapamohaj Centrabanka pradaje juani z reziervaŭ dla kampiensacyi naftahazavych dachodaŭ, jakija vypadajuć ź biudžetu.
Kaho z palitviaźniaŭ mohuć vypuścić paśla anonsu Łukašenki?4
Kaho z palitviaźniaŭ mohuć vypuścić paśla anonsu Łukašenki?
«Kadebist u čornych skuranych palčatkach zadavaŭ pytańni, i kali ja nie adkazvała, pačynaŭ mianie dušyć»11
Kamientary