Daniłaŭ: Kančatkovy płan kontrnastupleńnia Zialenski jašče nie zaćvierdziŭ
Staršynia Rady nacyjanalnaj biaśpieki i abarony Ukrainy Alaksiej Daniłaŭ paraiŭ nie vieryć infarmacyi roznych krynic nakont nastupu Ukrainy, bo kančatkovaje rašeńnie jašče nie pryniataje.
«U kabiniecie viarchoŭnaha hałoŭnakamandujučaha — prezidenta našaj krainy budzie prymacca krajniaje rašeńnie pa terminach i kirunkach. I kali chtości pačynaje ab čymści kazać, navat z pavažanych instytucyj na Zachadzie, paviercie: ludziej, jakija na siońnia viedajuć dakładna ŭsie našy płany, nie isnuje. Tamu što kančatkovyja płany jašče nie zaćvierdžanyja», — skazaŭ Daniłaŭ padčas telemarafonu.
«My majem niekalki varyjantaŭ. Jany ŭsie znachodziacca ŭ pracy. I ŭ zaležnaści ad tych abstavin, jakija buduć na toj ci inšy čas, buduć prymacca tyja ci inšyja rašeńni. Nie treba čakać abo nie čakać. My ŭžo dakazali, što my niepieramožnaja nacyja, i my abaviazkova heta zrobim. I dziakujučy našym partnioram u tym liku», — dadaŭ jon.
Raniej Daniłaŭ kazaŭ, što infarmacyjaj pra mahčymy čas i kirunki nastupleńnia USU vałodajuć nie bolš za piać čałaviek.
Pratasievič jeździŭ da Babaryki ŭ kałoniju niekalki razoŭ4
Kamientary