Finskaja premjerka, jakaja niadaŭna prajhrała vybary, razvodzicca z mužam
Premjer-ministarka Finlandyi Sana Maryn paviedamiła ŭ instahramie, što jany z mužam Markusam Rajkanienam padali na razvod.
Maryn i Rajkanien pažanilisia krychu mienš za try hady tamu, u pačatku žniŭnia 2020 hoda. Viasielle adśviatkavali ŭ rezidencyi Kiesiaranta.
Uvohule ž para paznajomiłasia, kali im było pa 18 hadoŭ. Usiaho ž Sana i Markus byli razam kala 19 hadoŭ.
Byłomu futbalistu, a ciapier biznesoŭcu Markusu Rajkanienu 37 hadoŭ. Jon adnahodak Maryn.
Sana Maryn adznačyła, što jany z chutka ŭžo byłym mužam pa-raniejšamu zastajucca dobrymi siabrami i lubiačymi baćkami.
37-hadovaja Sana Maryn pakul jašče vykonvaje abaviazki premjerki Finlandyi, ale nieŭzabavie musić hetuju pasadu pakinuć, bo jaje Sacyjał-demakratyčnaja partyja na parłamienckich vybarach 2 krasavika zaniała tolki treciaje miesca. Prašeńnie ab adstaŭcy jana padała adrazu paśla padviadzieńnia vynikaŭ vybaraŭ.
Uvohule ž Sana Maryn uznačaliła ŭrad u kancy 2019 hoda va ŭzroście ŭsiaho 34 hady, staŭšy tady najmaładziejšaj z kiraŭnikoŭ dziaržaŭ i ŭradaŭ va ŭsim śviecie. Dy navat i ciapier, praz try hady, jana ŭvachodzić u piaciorku samych «junych».
Za čas premjerstva Sana Maryn stała viadomaj nie tolki na radzimie, ale i va ŭsim śviecie, bo časta praz svaje svabodnyja noravy i pavodziny rabiłasia hierainiaj śvieckaj chroniki.
36-hadovaja premjerka Finlandyi ŭzarvała internet mini-šortami. Raskazvajem pra jaje
Finskaja premjerka Sana Maryn stała zorkaj. A što viadoma pra jaje muža?
Prezidentka Jeŭrakamisii i premjerka Finlandyi raskazali, jak zmahajucca z seksizmam
Premjerka Finlandyi zdała test na narkotyki, i ŭ jaje ŭsio dobra
Kamientary