U Finlandyi prajšli parłamienckija vybary. Premjerka Sana Maryn sydzie z pasady
Pa vynikach parłamienckich vybaraŭ u Finlandyi sacyjał-demakratyčnaja partyja na čale ź dziejučym premjer-ministram Sanaj Maryn ź minimalnym adstavańniem prajhrała kansiervataram, vynikaje z madeli hramadskaj viaščalnaj kampanii YLE, piša BBC.
Pa vynikach padliku troch čverciaŭ biuleteniaŭ Nacyjanalnaja kaalicyja Pietery Orpa mieła 20,9% hałasoŭ, ultrapravaja partyja «Finy» — 20,4%, a sacyjał-demakraty — 19,6%.
Z prahnozu madeli YLE vynikaje, što kansiervatary na čale z Orpa atrymajuć najbolšuju kolkaść miescaŭ u parłamiencie. Jon užo abviaściŭ pra svaju pieramohu. Nieŭzabavie paśla hetaha Sana Maryn pryznała parazu.
Kančatkovyja vyniki vybaraŭ stanuć viadomyja 5 krasavika.
Kali kančatkovy vynik nie zanadta źmienicca, to ni adna z partyj nie zmoža stvaryć urad samastojna i joj pryjdziecca šukać sabie partnioraŭ pa kaalicyi. Partyja, jakaja pieramahła, zmoža pasprabavać sabrać takuju kaalicyju pieršaj.
Vyniki vybaraŭ naŭrad ci adabjucca na ŭstupleńni Finlandyi ŭ NATA: praces praktyčna zavieršany, i jaho padtrymlivali ŭsie asnoŭnyja palityčnyja siły krainy. Hałoŭnaj temaj pieradvybarnaj kampanii byŭ dziaržaŭny doŭh krainy.
Orpa skazaŭ, što hatovy vieści pieramovy z usimi partyjami, kab atrymać bolšaść u 200-miascovym parłamiencie Finlandyi, tady jak Maryn adznačyła, što moža ŭvajści ŭ kaalicyju z Orpa, ale nie z «Finami». Dla farmiravańnia ŭrada patrabujecca, kab kaalicyja nabrała bolš za 100 miescaŭ.
Finlandyja pačała budavać ścianu na miažy z Rasijaj
36-hadovaja premjerka Finlandyi ŭzarvała internet mini-šortami. Raskazvajem pra jaje
«P****iec adbyŭsia». Volha Kavalkova patłumačyła, čamu adyšła ad palityki i carkvy i jak transfarmuje bol u luboŭ12
Kamientary
Buba,da normalnaja takaja madam ty šo? Ja s udovolstvijem by 29 let smotrieł by na jeje "zadnicu obtianutoj lehinsami",čiem eta kołchoznaja+hebešnaja mraź.