USU prasunulisia na bachmuckim kirunku, u horadzie nie stračana nivodnaj pazicyi — Malar
Namieśnica ministra abarony Hanna Malar paviedamiła, što ŭkrainskija abaroncy na hetym tydni nie stracili nivodnaj pazicyi ŭ Bachmucie, a taksama paćvierdziła infarmacyju ab prasoŭvańni USU na 2 km na bachmuckim kirunku, piša «Ukrainskaja praŭda».
«Vorahu nie ŭdałosia realizavać svaje płany; vorah panios vialikija straty žyvoj siły; našy abaroncy prasunulisia na bachmuckim kirunku napierad na 2 km; nivodnaj pazicyi ŭ Bachmucie na hetym tydni my nie stracili».
Malar adznačyła, što vorah na bachmuckim kirunku «chvalić siabie, raspaviadaje pra nibyta pośpiech i prydumlaje siužety ab ukrainskim vajskovym kamandavańni».
Na jaje dumku, akupanty raspaŭsiudžvajuć iłžyvuju infarmacyju pra niedachop zbroi, jak miarkujecca, kab apraŭdać realnuju situacyju.
10 maja kamandujučy Suchaputnymi vojskami USU Alaksandr Syrski paviedamiŭ, što ŭkrainskija abaroncy zmahli pravieści efiektyŭnyja kontrataki na bachmuckim kirunku, u vyniku čaho akupanty na asobnych učastkach adstupili na adlehłaść da 2 km.
Raniej uładalnik PVK «Vahnier» Jaŭhien Pryhožyn zajaviŭ, što isnuje vialikaja ryzyka akružeńnia jaho najmitaŭ u Bachmucie, tak jak fłanhi, jakija ŭtrymlivajucca rasijskim vajskoŭcami, traščać.
Čytać taksama:
Ukrainskim vojskam udałosia prarvać pazicyi rasijskaj armii pad Bachmutam — rasijskija vajenkary
Ciapier čytajuć
«Užo tam karoŭ nie zastałosia!»: były načalnik Kačanavaj apłakvaje stan ekanomiki na Połaččynie25
Kamientary