УСУ прасунуліся на бахмуцкім кірунку, у горадзе не страчана ніводнай пазіцыі — Маляр
Намесніца міністра абароны Ганна Маляр паведаміла, што ўкраінскія абаронцы на гэтым тыдні не страцілі ніводнай пазіцыі ў Бахмуце, а таксама пацвердзіла інфармацыю аб прасоўванні УСУ на 2 км на бахмуцкім кірунку, піша «Украінская праўда».
«Ворагу не ўдалося рэалізаваць свае планы; вораг панёс вялікія страты жывой сілы; нашы абаронцы прасунуліся на бахмуцкім кірунку наперад на 2 км; ніводнай пазіцыі ў Бахмуце на гэтым тыдні мы не страцілі».
Маляр адзначыла, што вораг на бахмуцкім кірунку «хваліць сябе, распавядае пра нібыта поспех і прыдумляе сюжэты аб украінскім вайсковым камандаванні».
На яе думку, акупанты распаўсюджваюць ілжывую інфармацыю пра недахоп зброі, як мяркуецца, каб апраўдаць рэальную сітуацыю.
10 мая камандуючы Сухапутнымі войскамі УСУ Аляксандр Сырскі паведаміў, што ўкраінскія абаронцы змаглі правесці эфектыўныя контратакі на бахмуцкім кірунку, у выніку чаго акупанты на асобных участках адступілі на адлегласць да 2 км.
Раней уладальнік ПВК «Вагнер» Яўген Прыгожын заявіў, што існуе вялікая рызыка акружэння яго наймітаў у Бахмуце, так як флангі, якія ўтрымліваюцца расійскім вайскоўцамі, трашчаць.
Чытаць таксама:
Украінскім войскам удалося прарваць пазіцыі расійскай арміі пад Бахмутам — расійскія ваенкары
-
Прапагандыстка Лебедзева пахвалілася эксклюзівам з Марыупальскага тэатра, які Расія адбудавала з нуля, каб схаваць сляды ваеннага злачынства
-
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці
-
Расійскі дрон ударыў па аўтобусе з шахцёрамі на Днепрапятроўшчыне. Загінулі 15 чалавек
Цяпер чытаюць
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю22
Каментары