Prakuratura raskazała, čamu pryznali «ekstremisckimi» pabliki «čajłdfry»
Niadaŭna ŭ «ekstremiscki» śpis Mininfarma rašeńniem suda Savieckaha rajona Minska patrapili telehram-kanały «Antynatalizm, čajłdfry, čajłdchejtery etc» i «Čajłdfry», supołka «Čajłdfry. Elita hramadstva» ŭ fejsbuku, pablik «Čajłdfry» va ŭkantakcie i akaŭnt «Čajłdfry» ŭ instahramie. Jak paviedamili ŭ prakuratury, takoje rašeńnie pryniataje pa ich zajavie.
U takich pablikach naradžeńnie i vychavańnie dziaciej nibyta pradstaŭlenyja jak «niehatyŭnyja źjavy», paviedamili ŭ pres-słužbie Hienprakuratury.
«Infarmacyjnaja pradukcyja nazvanych resursaŭ nakiravanaja na raspalvańnie varožaści ŭ dačynieńni da dziciačaha nasielnictva i baćkoŭ, zaklikaje da štučnaha pierapynieńnia ciažarnaści. Publična demanstruje cyničnyja i žorstkija sposaby abychodžańnia ź dziećmi. Naradžeńnie i vychavańnie dziaciej na hetych resursach padajucca jak niehatyŭnyja źjavy», — śćviardžajuć u viedamstvie.
Prychilnikaŭ płyni čajłdfry, to-bok śviadomaha niežadańnia mieć dziaciej, padčas svajho sakavickaha pasłańnia Nacyjanalnamu schodu zapatrabavaŭ abviaścić pa-za zakonam Alaksandr Łukašenka. Paśla heta padchapili drabniejšyja čynoŭniki i prapahandysty. Zajava prakuratury i nastupnaje rašeńnie padkantrolnaha ŭładam suda vidavočna — nastupstvy hetaj kampanii.
Ciapier čytajuć
Kolkaść achviar vybuchu ŭ maskoŭskim elitnym restaranie na jubilei hienierała, jaki kamandavaŭ nastupam na Kijeŭ ź Biełarusi ŭ 2022-m, vyrasła da piaci čałaviek44
Kamientary