Hrupa apazicyjnych palitykaŭ 16—17 listapada znachodzicca ź vizitam u Brusieli, paviedamiŭ namieśnik staršyni ruchu «Za Svabodu» Viktar Karniajenka.
U składzie delehacyi — staršynia ruchu «Za Svabodu» Alaksandr Milinkievič, jaho namieśnik Juryj Hubarevič, staršynia Partyi BNF Alaksiej Janukievič, sustaršynia arhkamiteta pa stvareńni partyi «Biełaruskaja chryścijanskaja demakratyja» Pavieł Sieviaryniec, deputat Viarchoŭnaha savieta XIII sklikańnia Andrej Klimaŭ.
Zapłanavany sustrečy biełaruskich palitykaŭ sa staršynioj Jeŭraparłamienta Ježy Buziekam i kiraŭnikom parłamienckaj delehacyi pa suviaziach ź Biełaruśsiu Jacekam Pratasievičam, a taksama z pradstaŭnikami Jeŭrakamisii.
«Na sustrečach budzie abmiarkoŭvacca pryniataja na Biełaruskim jeŭrapiejskim forumie prahrama dziejańniaŭ», — zaznačyŭ Karniajenka.
Jak raniej paviedamlasia, 17 listapada na pasiadžeńni ministraŭ zamiežnych spraŭ krain ES u Brusieli płanujecca razhledzieć pytańnie ab vizavych sankcyjach u dačynieńni da biełaruskich čynoŭnikaŭ.
Aprača taho, hetymi dniami ŭ Brusieli prachodzić Forum hramadzianskaj supolnaści ŭ miežach inicyjatyvy ES «Uschodniaje partniorstva», u pracy jakoha biaruć udzieł pradstaŭniki 27 niaŭradavych arhanizacyj Biełarusi.
U pryvatnaści, dla ŭdziełu ŭ forumie ŭ Brusieli znachodziacca pradstaŭniki maładziožnaj arhanizacyi «Małady front», Asamblei niedziaržaŭnych demakratyčnych abjadnańniaŭ, šerahu ekałahičnych arhanizacyj, a taksama prafsajuzaŭ, u tym liku staršynia Fiederacyi prafsajuzaŭ Biełarusi Leanid Kozik.
Kamientary