Kultura66

Rašeńnie Viarchoŭnaha suda Złučanych Štataŭ zaniepakoiła śviet mastactva

Viadomy Fond Endzi Uorhała byŭ pryznany vinavatym u parušeńni aŭtarskich pravoŭ. Pryčynaj stała fatahrafija śpievaka Prynsa, jakuju kaliści vykarystaŭ mastak pop-artu.

Pryns Prins Prince
Fota Prynsa, zroblenaje Lin Hołdśmit (źleva) u 1981 hodzie, i 16 šaŭkahrafičnych partretaŭ, jakija paźniej zrabiŭ Endzi Uorhał, vykarystoŭvajučy fota ŭ jakaści etałona. Fota: dakumienty Viarchoŭnaha suda ZŠA

Siamiu hałasami suprać dvuch sudździ Viarchoŭnaha suda ZŠA abaviazali Fond vyjaŭlenčaha mastactva Endzi Uorhała vypłacić hanarary fatohrafu Lin Hołdśmit (Lynn Goldsmith), jakaja ŭ 1981 hodzie zrabiła zdymak śpievaka dla časopisa Newsweek.

Jak apaviadaje Le Monde, sama historyja pačałasia ŭ 1984 hodzie, kali Endzi Uorhał (Andy Warhol, 1928—1987) vykarystaŭ fotazdymak Prynsa (Prince, 1958—2016) dla stvareńnia partreta śpievaka na zamovu časopisa Vanity Fair. Hołdśmit tady atrymała 400 dalaraŭ za vykarystańnie jaje fotazdymka.

Uorhał skadravaŭ, pavialičyŭ i afarbavaŭ malunak, jak jon rabiŭ raniej z partretami Elizabiet Tejłar i Merylin Manro, pakazaŭšy Prynsa ź fijaletavaj skuraj, što nahadvaje jaho miehapapularny chit Purple Rain, na aranžavym fonie.

Ale ŭ pracesie raboty Uorhał stvaryŭ nie adzin malunak, jaki byŭ raźmieščany ŭ časopisie, a 16 na roznych fonach, ź jakich dva zroblena ałoŭkam.

Paśla śmierci Uorhała sieryju vykupiŭ jaho fond. A ŭ 2016 hodzie na staronkach Vanity Fair źjaviŭsia inšy varyjant partreta Prynsa z aranžavym tvaram raboty Uorhała. Časopis kupiŭ u Fondu mastaka prava na jaje vykarystańnie ŭ śpiecvypusku pamiaci Prynsa. Aŭtar fotazdymka hanararu nie atrymała.

U 2017 hodzie fatohraf źviartajecca ŭ Fond Uorhała z patrabavańniem vypłaty za vykarystańnie svajho zdymka, ale fond admaŭlaje sa spasyłkaj na tak zvanaje «dobrasumlennaje vykarystańnie».

Jano praduhledžvaje abmiežavanaje vykarystańnie aŭtarskaha tvora ŭ adukacyjnych, navukovych i inšych sacyjalna značnych metach bieź nieabchodnaści atrymańnia dazvołu ad pravaŭładalnika.

Sprečka ciahniecca ŭ sudzie na praciahu siami hadoŭ, padymajučy vostruju prablemu vakoł stupieni zapazyčańniaŭ.

Klučavym faktaram, jaki sudy vykarystoŭvajuć dla vyznačeńnia dobrasumlennaha vykarystańnia, zjaŭlajecca najaŭnaść u novaha tvora «transfarmujučaj» mety. Pad joju majecca na ŭvazie pieraŭtvareńnie aryhinalnaha tvora šlacham dabaŭleńnia novych značnych elemientaŭ, kamientaroŭ, interpretacyj ci źmien, jakija nadajuć tvoru novaje značeńnie, sens ci kantekst.

Novy tvor pavinien nie prosta kapijavać ci paŭtarać aryhinał, a i vykarystoŭvać jaho ŭ novym i aryhinalnym kantekście.

Najbolš viadomyja vypadki — parodyja, pry jakoj aryhinalny tvor vykarystoŭvajecca dla stvareńnia kamičnaha abo satyryčnaha efiektu, adukacyjnyja mety, dzie aryhinalny tvor vykarystoŭvajecca dla navučańnia abo ilustracyi kancepcyj, i krytyka, dzie aryhinalny tvor analizujecca, aceńvajecca abo kamientujecca.

U Złučanych Štatach paramietry «dobrasumlennaha vykarystańnia» nie akreśleny ŭ zakanadaŭstvie. U kožnym kankretnym vypadku rašeńnie prymajuć sudździ zhodna sa svaim mierkavańniem.

U vypadku Uorhała sudździ vyrašyli, što mety fatohrafa, jakaja zrabiła zdymak śpievaka, i mastaka, jaki na jaho asnovie stvaryŭ svoj partret, adnolkavyja — kamiercyjnaje vykarystańnie.

I ŭsio ž dvoje sudździaŭ z kalehii Viarchoŭnaha suda byli suprać takoha rašeńnia. Jany adznačajuć, što ŭ svoj čas zapazyčvali Mark Tven, Styviensan, Šekśpir i navat Tycyjan, a padychod Viarchoŭnaha suda moža zadušyć tvorčaść.

Jak adznačaje Le Monde, takoje rašeńnie moža paŭpłyvać na śviet mastactva. Rašeńnie Viarchoŭnaha suda ZŠA adkryvaje šluzy dla pazovaŭ ab parušeńni aŭtarskich pravoŭ suprać niekatorych tvorcaŭ. A ŭ budučyni mastakam daviadziecca być bolš aściarožnymi ŭ vykarystańni tvoraŭ trecich asob.

Čytajcie jašče:

Harysan Ford atrymaŭ «Załatuju palmavuju halinu». Heta było vialikaj niečakanaściu dla słavutaha akciora

Dva partrety Rembranta znajšli praz 200 hod zachoŭvańnia ŭ pryvatnaj kalekcyi

Rodnaja mova vyznačaje zdolnaść usprymać muzyku

Kamientary6

  • dočka Maksima Dizajniera
    21.05.2023
    uvohule ŭsio ad boha. jak ateistka kažu )
    z boham jany taksama sudzicca buduć?
  • Śnid
    21.05.2023
    Uorchoł štampovał NFT do toho, kak eto stało miejnstrimom 🤣
  • cinik
    21.05.2023
    Nado otdať dołžnoje tierpieniju Linn Hołdśmit, v 1984 hodu ona połučiła za svoju fotohrafiju žałkich 400 dołłarov. Jeśli by ona podała v sud na Uorchoła tohda, to połučiła by skorieje vsieho tožie kopiejki v kačiestvie voźmieŝienija. Tolko so vriemieniem (i obyčno pośle śmierti chudožnikov) proiźviedienija vźletajut značitielno v cienie v riezultatie v tom čiśle vsievozmožnych pierieprodaž i kočievanija s kollekcij v kollekciju. Tiepieŕ užie babula ždała počti 40 let čtob połučiť svoj priz žiźni:) no dla amieriki eto normalno, poskolku v sriedniem tam doživajut do 85,a niekotoryje i do 100. babka jeŝie uśpiejet otlično otdochnuť na havajach.i dažie vyjti zamuž za mołodoho mułata)))

Što zapisana aficyjnaj pryčynaj śmierci adzinaha syna Jarmošynaj?7

Što zapisana aficyjnaj pryčynaj śmierci adzinaha syna Jarmošynaj?

Usie naviny →
Usie naviny

U jakija jeŭrapiejskija krainy jeździli biełarusy ŭ 2024 hodzie?3

Azierbajdžanski deputat: Rasija pavinna vybačycca za ataku na samalot Baku — Hrozny10

Chalezin: «Bialacki — dobry kandydat u prezidenty. Jon taki čałaviek, jaki chacieŭ by suzirać Biełaruś»9

Raźviedka Paŭdniovaj Karei: USU ŭziali ŭ pałon paŭnočnakarejskaha sałdata2

«Čamu jana biesicca? Mužyka daŭno nie było!» ANT pakazała kamiedyju ŭłasnaj vytvorčaści. Naśmiešyć vas tolki kancoŭka19

Brazilski jazyk, arhiencinskija krevietki i biełaruskija ahurki. Jakija ceny ŭ pieradnavahodnim Minsku?

Staršynia SAAZ nie moža pakinuć Jemien praź izrailskija avijaŭdary. Adzin ź ich ledź nie trapiŭ pa im samim

ŠI-ahienty zamieniać prahramy: hiendyrektar Microsoft pradkazvaje revalucyju ŭ karystańni kampjutarami5

Kiraŭnika škoły Streamline abvinavačvajuć u niezakonnym karystańni padatkovymi lhotami3

bolš čytanych navin
bolš łajkanych navin

Što zapisana aficyjnaj pryčynaj śmierci adzinaha syna Jarmošynaj?7

Što zapisana aficyjnaj pryčynaj śmierci adzinaha syna Jarmošynaj?

Hałoŭnaje
Usie naviny →