Hałoŭny trenier «Pary Sien-Žermien» Krystof Halćje paviedamiŭ na pres-kanfierencyi, što arhiencinski forvard Lijanel Miesi pakinie kłub paśla zakančeńnia siezona.
Słovy treniera pryvodzić L'Equipe.
«Ja mieŭ honar treniravać najlepšaha futbalista ŭ historyi, — zajaviŭ Halćje. — Heta budzie jaho apošni matč na stadyjonie Park-de-Prens, i ja spadziajusia, što jaho vychad na pole sustrenuć samym ciopłym čynam».
U hetym siezonie Miesi zabiŭ 21 hoł i zrabiŭ 20 halavych pieradač, a ahułam, hulajučy za PSŽ, jon zabiŭ 32 miačy ŭ 74 matčach.
Takim čynam, matč suprać «Klermona» ŭ apošnim tury stanie dla Miesi apošnim u składzie «PSŽ», kudy jon pierajšoŭ u pazaminułym hodzie paśla 18 hadoŭ u «Barsiełonie».
Dzie praciahnie karjeru čempijon śvietu pa futbole — zahadka. Jon moža pierabracca ŭ Saudaŭskuju Araviju, viarnucca ŭ «Barsiełonu», abo pierajechać u ZŠA ŭ «Inter» Majami, adnym z uładalnikaŭ jakoha źjaŭlajecca Devid Bekchiem. Praŭda, «Inter» zaraz zajmaje apošniaje 15-je miesca va Uschodniaj kanfierencyi. U kłuba čatyry zapar parazy ŭ apošnich matčach.
«Jamu pa načach śnilisia ludzi, jakich jon pasadziŭ». Stali viadomyja novyja detali apošnich dzion žyćcia syna Jarmošynaj15
Kamientary