Zialenski: Byŭ na froncie, heta ščaślivy dzień — na ŭsich kirunkach było prasoŭvańnie
Prezident Ukrainy paviedamiŭ, što jon byŭ rady padziakavać ukrainskim vajaram asabista. Pra heta Uładzimir Zialenski paviedamiŭ padčas načnoha videazvarotu, zapisanaha ź ciahnika, jak piša «Ukrainskaja praŭda».
![](http://nnexpictures.fra1.digitaloceanspaces.com/img/w732d4webp1/photos/z_2023_06/zerkenskij3_230627-fm4t9.jpg.webp)
«Siońnia — front. Danieččyna, Zaparožža. Našy voiny, našy pieradavyja pazicyi, napramki aktyŭnych dziejańniaŭ na froncie. Siońnia na ŭsich napramkach u našych voinaŭ było prasoŭvańnie napierad, i hety ščaślivy dzień. Ja zyču chłopcam bolš takich dzion».
Zialenski raskazaŭ, što 26 červienia byŭ u padraździaleńniach «Chorcicy», jakija hieraična vyznačylisia ŭ bitvie za Bachmut, dalej — u «vielmi mahutnych, vielmi akuratnych» marpiechach, zatym − u «Taŭryi», na Paŭdniovym froncie.
![](http://nnexpictures.fra1.digitaloceanspaces.com/img/w732d4webp1/photos/z_2023_06/zekernskij2_230627-rt225.jpg.webp)
Jon taksama dadaŭ, što pravioŭ narady z hienierałami Vasilom Zubaničam, Alaksandram Tarnaŭskim, Juryjem Modulem i Alaksandram Syrskim, na jakich pryniali niekalki apieratyŭnych rašeńniaŭ.
A taksama jašče raz abmierkavali stvareńnie Korpusa marskoj piachoty.
![](http://nnexpictures.fra1.digitaloceanspaces.com/img/w732d4webp1/photos/z_2023_06/zelenskij5_230627-fdb4x.jpg.webp)
Akramia taho, pa słovach Zialenskaha, jon mieŭ pieramovy z partniorami, u pryvatnaści z prezidentam ZŠA Džo Bajdenam, pierš za ŭsio pra pastaŭki zbroi.
![](http://nnexpictures.fra1.digitaloceanspaces.com/img/w732d4webp1/photos/z_2023_06/zekenskij4_230627-b17dv.jpg.webp)
«Nasyčany dzień, šmat emocyj. Mieŭ honar uznaharodzić našych voinaŭ, padziakavać asabista, pacisnuć ruku. Dziakuj za ŭsie vašy słovy padtrymki, chłopcy! Dziakuj za abdymki — vielmi ciopłyja — usim siońnia. I dziakuj za vašy šaŭrony. Heta nadzvyčaj hanarova dla mianie, pra kožny šaŭron raskažu asobna. Usie našy voiny — ad sałdata, matrosa da hienierała — małajcy!» — padsumavaŭ prezident.
Kamientary