Hramadstva1616

«Ciahajuć hetuju trunu, jak durni». U Akciabrski Homielskaj vobłaści pryvieźli cieła zahinułaha va Ukrainie vajskoŭca, jakoha šukali hod, navat z ekstrasensami. Ale tak i nie pachavali

Učora, 27 červienia, na haradskich mohiłkach u Akciabrskim pavinny byli pachavać vajskoŭca, jaki vajavaŭ na baku Rasii i zahinuŭ va Ukrainie. U pracesie dastaŭki jaho astankaŭ udzielničali čynoŭniki i milicyja. Dla mahiły na haradskich mohiłkach vykapali jamu. Ale niešta pajšło nie tak — chłopca nie pachavali. Hetuju dziŭnuju historyju ŭžo sutki abmiarkoŭvajuć žychary Akciabrskaha. «Fłahštok» daviedaŭsia padrabiaznaści. 

Jak paviedamili krynicy «Fłahštoku», u Akciabrski astanki 21-hadovaha ŭradženca pasiołka Jarasłava Astaškova pryvieźli z Rastova-na-Donie. Ich čakali svajaki zahinułaha, miascovyja čynoŭniki i milicyja. Było vyrašana pachavać chłopca 27 červienia na miascovych mohiłkach.

Blizkim astanki pryvieźli ŭ mietaličnaj trunie, bo vajskoviec zahinuŭ bolš za hod tamu va Ukrainie, a apaznać cieła ŭdałosia tolki niadaŭna. 

Pryblizna ŭ rajonie abiedu 27 červienia na haradskich mohiłkach sabralisia ludzi, kab pachavać Astaškova. Dla mahiły ŭžo była vykapana jama. Ale paśla niekalkich hadzin čakańnia ludzi razyšlisia. Jak paviedamiła krynica vydańnia, chavać zahinułaha vajskoŭca razdumali blizkija.

«Ciahajuć hetuju trunu, jak durni. Karaciej, pachavańnia nie budzie. Paviazuć nazad. Dumali, dumali i pieradumali», — paviedamiła krynica. 

«Maci z baćkam nie damovilisia. Baćka ŭ Rasii žyvie, maci tut. Maci chacieła tut chavać. Baćka pierakanaŭ. Na maci nacisnuli tym, što nibyta jaho pavinny pachavać u Rasii z ušanavańniem i što heta sprościć atrymańnie kampiensacyi», — tłumačyć surazmoŭca vydańnia.

Jak daviedaŭsia «Fłahštok», Jarasłaŭ Astaškoŭ naradziŭsia ŭ h. p. Akciabrski Homielskaj vobłaści ŭ 2001 hodzie. Ros u niaščasnaj siamji i faktyčna vychoŭvaŭsia babulaj. Naviedvaŭ muzyčnuju škołu. Paśla zakančeńnia 11 kłasaŭ pierajechaŭ u Rasiju. Pastupiŭ u Razanskaje vyšejšaje pavietrana-desantnaje kamandnaje vučylišča.

U zvańni jafrejtara Jarasłaŭ Astaškoŭ padpisaŭ kantrakt z vajskovaj čaściu 33842 106-j dyvizii Pavietrana-desantnych vojskaŭ i adpraviŭsia na zachop Ukrainy. 

Na suviaź pierastaŭ vychodzić 18 krasavika 2022 hoda — mienš čym praz dva miesiacy paśla pačatku poŭnamaštabnaj vajny.

Jaho blizkija stali vieści samastojny pošuk u sacyjalnych sietkach, źviartalisia da anłajn-ekstrasensa. Ad vajskoŭcaŭ blizkim stała viadoma, što tank Astaškova zhareŭ, adnak vybraŭsia jon ci nie, jany nie viedali. Ad vajskovaj čaści siastra atrymała dakumient ab tym, što chłopiec źnik bieź viestak. 

Pieršapačatkova blizkim paviedamili, što tank vajskoŭca zhareŭ u Kijeŭskaj vobłaści la siała Dzibrova. Hetaja infarmacyja była pamyłkovaj, rasijskija vojski nie dajšli da hetaha nasielenaha punkta na poŭdni Kijeŭskaj vobłaści.

Tulskija miedyja paśla ŭkazali bolš praŭdapadobnaje miesca źniknieńnia Astaškova — «na poli boju pamiž siołami Doŭhieńkaje i Kurkulka Iziumskaha rajona».

Astanki Astaškova byli apaznanyja ŭžo ŭ Rasii dziakujučy miedaljonu i pieradadzienyja ŭ Biełaruś praz 14 miesiacaŭ paśla jaho hibieli. Da viasny 2023 hoda los Astaškova byŭ nieviadomy.

Iziumski rajon Charkaŭskaj vobłaści, pry zachopie jakoha zahinuŭ Astaškoŭ, byŭ vyzvaleny Uzbrojenymi siłami Ukrainy praz šeść miesiacaŭ.

Kamientary16

  • Janka
    28.06.2023
    Pryvabny sacyjalny lift u łukašenkaŭskaj dziaržavie dla sacyjalnaha siraty ź nievialikaha miastečka, niachaj i adnosna talentavitaha - paśla škoły źjechać u čužuju krainu, kab zrabić karjeru inšaziemnaha vajskoŭca. A potym abviesicca kałaradkami i pajści ŭ jakaści akupanta na zachopnickuju ahresiŭnuju vajnu va Ŭkrainie dziela zadavalnieńnia impierskich ambicyj Pucina, dzie nieŭzabavie zdarma zahinuć. Fin.
  • clay
    28.06.2023
    siroty-sieluki-hłubinarii - nadiežnaja opora dla osatanievšich riežimov.
    nie zadajut lišnich voprosov,
    kłaśsičieskij słučaj rabskoj psichołohii plus hotovy biezvoźmiezdno zdochnuť za pukinskije / cyhanskije jardy.
  • No
    28.06.2023
    Janka, zhodny.

    Pamior za puchło i rucki śviet.

Ciapier čytajuć

Jaŭhien Dudkin patłumačyŭ, čamu staŭ sakretnym ahientam KDB16

Jaŭhien Dudkin patłumačyŭ, čamu staŭ sakretnym ahientam KDB

Usie naviny →
Usie naviny

Polskaja palicyja zakryła spravu, zaviedzienuju paśla suicydu biełarusa ŭ Varšavie

Ole-Ejnar Bjorndalen bolš nie rekardsmien pa pieramohach na čempijanatach śvietu

Cichanoŭskaja: Vyzvaleńni adbyvajucca nie praz humannaść Łukašenki, a praź cisk na režym36

Pamior Valery Pietrykievič3

U Pieru palicejski apranuŭsia ŭ kaścium kapibary, kab zachapić narkadylera z dokazami złačynstva VIDEA

Śpiecpradstaŭnik Trampa Kit Kiełah nie bačyć Jeŭropy za stałom mirnych pieramoŭ38

Sapraŭdnaja pryčyna, čamu moładź usio čaściej maje patrebu ŭ psichaterapii24

Śpiavak ź Italii zajaviŭ, što jaho ŭžo zaprasili ŭ Maskvu na «kancert miru»3

Mazyrski NPZ pryznaŭ svaju stratnaść i raskazaŭ pra pavieličeńnie zahruzki

bolš čytanych navin
bolš łajkanych navin

Jaŭhien Dudkin patłumačyŭ, čamu staŭ sakretnym ahientam KDB16

Jaŭhien Dudkin patłumačyŭ, čamu staŭ sakretnym ahientam KDB

Hałoŭnaje
Usie naviny →

Zaŭvaha:

 

 

 

 

Zakryć Paviedamić