«Čałaviek, padobny da Pryhožyna», palacieŭ z centra Pieciarburha na nievypadkovym viertalocie
«Fontanka» 29 červienia zafiksavała na kamieru ŭźlot viertalota, jaki zabiraŭ ad Anhlijskaj nabiarežnaj čałavieka, padobnaha da Jaŭhiena Pryhožyna. Maska nie dazvalaje śćviardžać na ŭsie 100%, ale danyja viertalota pakazvajuć, što jon naležaŭ kampanii, źviazanaj ź biznesmienam.
Fota zroblenyja ŭviečary la viertalotnaj placoŭki na Anhlijskaj nabiarežnaj.
Na kadrach bačny pasažyr: nievysoki čałaviek u śvietłaj futbołcy, čornaj kurtcy i kiepcy. Tvar chavaje miedycynskaja maska, nie nadta nieabchodnaja ŭ hetym miescy pa epidemijałahičnych mierkavańniach.
Futbołka nahadvaje tuju, u jakoj Pryhožyn raniej fihuravaŭ u miedyja.
Akramia taho, možna źviarnuć uvahu na čałavieka pobač z mužčynam u mascy. Vielmi padobny da jaho čałaviek byŭ razam z Pryhožynym na pachavańni bajca PVK «Vahnier» minułaj vosieńniu. Pa słovach karespandenta, viertalot doŭha kružyŭ i sieŭ u taki momant, kab apieratyŭna zabrać čałavieka i tut ža ŭźlacieć.
Na supraćlehłym baku Niavy, na źjeździe z Błahavieščanskaha mosta, znachodzicca hatel «Trezini», na nabiarežnaj pamiž 5-j i 6-j linijami Vasiljeŭskaha vostrava. Tam ža prajšli pieratrusy 24 červienia, padčas uzbrojenaha buntu: u pryvatnaści, znajšli 4 miljardy rasijskich rubloŭ najaŭnymi (45 młn dalaraŭ), dačynieńnie da jakich sam Pryhožyn nie admaŭlaŭ.
Pa supadzieńni, z 5-j linijaj źviazany i pavietrany transpart, jaki 29 červienia zabiraŭ pasažyra. Viertalot RA44 RA 06226 naležyć TAA «Ahulnacharč». Raniej kampanija taksama było zarehistravanaja na 5-j linii, ale ŭžo la nabiarežnaj Smalenki, a nie Niavy — za dva kroki ad hatela, dzie znajšli druhuju mašynu ź niekalkimi miljardami rasijskich rubloŭ.
TAA «Ahulnacharč» zajmałasia arhanizacyjaj charčavańnia ŭ sanatorna-kurortnych kompleksach Minabarony, na Armiejskich mižnarodnych hulniach, navučalnych zborach, moładzievych forumach.
Dyrektar i saŭładalnik «Hramadskaha charčavańnia» Pavieł Arnold raniej byŭ dyrektaram TAA «Litara», jakomu naležyć kampanija «Biznes Prodžekt». U liku byłych ułaśnikaŭ «Biznes Prodžekta» značycca i likvidavanaje ciapier TAA «Alfa», jakoje naležała Jaŭhienu Pryhožynu.
Viadoma, što ŭ sieradu Pryhožyn prylataŭ u Minsk. Uviečary jaho biznes-džety pakinuli biełaruskuju stalicu.
«Łukašenka moža stać miratvorcam na svaju hałavu, bo Pucin pomślivy». Analityk — pra vyniki miaciažu i Pryhožyna ŭ Biełarusi
«Ja dumaju, ich i nie budzie nikoli». Łukašenka zapiarečyŭ, što ŭ Biełarusi płanujuć stvarać łahiery «vahnieraŭcaŭ» i punkty dla ich naboru
«Razmaŭlali pieršy raŭnd chvilin z 30 na maciernaj movie. Vyklučna». Łukašenka vykłaŭ svaju viersiju pieramoŭ z Pryhožynym
Ciapier čytajuć
Chto toj čaćviorty vajskoviec ZŠA, jakoha dahetul šukajuć? I jaki amal supadaje pa ŭzroście z amierykancam, zatrymanym pad Maładziečnam9
Chto toj čaćviorty vajskoviec ZŠA, jakoha dahetul šukajuć? I jaki amal supadaje pa ŭzroście z amierykancam, zatrymanym pad Maładziečnam
«Ludzi chočuć pieramovaŭ z tymi, chto maryć ich źniščyć fizična». Hutarka z Alaksandram Kabanavym pra žyćcio, «Biełpoł» i razychodžańnie ź Piatruchinym77
Kamientary