Na abskardžańnie admovy ab pierarehistracyi dajecca miesiac.
Ministerstva justycyi admaŭlaje ŭ pierarehistracyi Biełaruskaj sacyjał-demakratyčnaj partyi (Hramada), jak paviedamiŭ u fejsbuku staršynia partyi Ihar Barysaŭ.
Asnoŭnyja pryčyny admovy ŭ pierarehistracyi partyi:
— zajaŭleny kolkasny skład arhanizacyi — 1141 čałaviek zamiest 5000 patrebnych;
— Centralny kamitet BSDP admoviŭsia prymać źmieny ŭ Statut u adpaviednaści z novaj redakcyjaj zakona;
— nie pakazany śpis siabroŭ partyi;
— nie pakazanyja aryhinały paśviedčańnia ab rehistracyi i Statut BSDP.
Na abskardžańnie admovy ab pierarehistracyi partyi BSDP maje miesiac z momantu atrymańnia adkazu ź Miniusta ŭ Viarchoŭnym sudzie (da 11 žniŭnia).
U najbližejšy čas kiraŭnictva arhanizacyi maje namier abskardzić adkaz Miniusta.
Učora stała viadoma, što Viarchoŭny sud na nastupnym tydni razhledzić pazoŭ Miniusta ab likvidacyi KCHP-BNF.
Partyja «Zialonyja» admoviłasia padavać piersanalnyja źviestki — i pačaŭsia praces jaje likvidacyi. Napeŭna taki ž los čakaje partyju «Spraviadlivy śviet» i AHP.
Pierarehistracyju ŭ Miniuście prajšli Libieralna-demakratyčnaja partyja, Kamunistyčnaja partyja Biełarusi, Respublikanskaja partyja pracy i spraviadlivaści. Była taksama zarehistravanaja navastvoranaja partyja «Biełaja Ruś».
Što zapisana aficyjnaj pryčynaj śmierci adzinaha syna Jarmošynaj?9
Kamientary