Pryjechaŭ jon z Varšavy ŭ składzie delehacyi polskich transpartnikaŭ.
Na im da hrodzienskich kalehaŭ pryjechała delehacyja polskich transpartnikaŭ na čale sa staršynioj praŭleńnia pradpryjemstva rehijanalnych pieravozak u Varšavie Tomašam Maračeŭskim.
Hości ŭziali ŭdzieł ŭ adkryćci fotavystavy «Biełastok zaprašaje», jakaja raźmiaściłasia na druhim paviersie čyhunačnaha vakzału.
Historyja čyhunačnych znosin pamiž Biełastokam i Hrodna naličvaje ŭžo 147 hadoŭ, jana pačałasia z ŭvodu ŭ 1862 hodzie čyhunki Sankt‑Pieciarburh — Varšava. Ciapier rabotniki čyhunačnaha transpartu Hrodna i Biełastoka aktyvizavali svaju dziejnaść u naładžvańni susiedskich stasunkaŭ. Letaś anałahičnaja fotavystava «Hrodna zaprašaje», pryśviečanaja 140‑hodździu hrodzienskaha vakzała i 880‑hodździu horada nad Niomanam, prajšła ŭ Biełastoku.
Polskija kalehi prezientavali mahčymaści novaha pasažyrskaha ciahnika, tak zvanaha rejkavaha aŭtobusa, vypusk jakoha naładžany ŭ Bydhašč (Polšča).
Dvuchsiekcyjny dyzielny ciahnik pryznačany dla vykarystańnia ŭ pryharadnych znosinach.
Kamfartabielny sałon adaptavany dla absłuhoŭvańnia invalidaŭ‑kalasačnikaŭ, ciahnik abstalavany sistemaj videanazirańnia. Jon moža raźvivać chutkaść da 120 km/h.
Pavodle słovaŭ kiraŭnika markietynhavaj słužby kampanii‑vytvorcy PESA Miečysłava Tyšaka, śpiecyjalisty pradpryjemstva raspracavali takija aŭtobusy, adaptavanyja da šyrokaj čyhunačnaj rejki, jakaja vykarystoŭvajecca ŭ krainach SND. Kampanija ŭžo pracuje z čyhunkami Ukrainy i Rasii i zacikaŭlena ŭ takim ža ŭzajemadziejańni ź biełaruskim bokam.
Da słova, zručnaść i kamfort pieramiaščeńnia rejkavy aŭtobusam, jaki šyroka vykarystoŭvajecca ŭ Polščy, zmahli acanić i žurnalisty.
Ciapier čytajuć
Babaryka pra siabie ŭ 2020-m: Heta nie naiŭnaść. Nie dumaju, što takoha kryvažernaha scenara niechta čakaŭ42
Kamientary