U tvitary piarepałach: łatvijski błohier zrabiŭ vazektamiju
U tvitary raźlacieŭsia radasny post mužčyny, jaki prajšoŭ praz vazektamiju. Łatvijski błohier Raman @Roman_of_Spades apisvaje svoj stan jak «vielmi ščaślivy», ale šmatlikich kamientataraŭ jaho dopis aburyŭ.
Raman — krupje, pracuje na kruiznych łajnierach. Zvyčajna jon raskazvaje ŭ tvitary historyi pra mora, kazino i padarožžy, ale niadaŭna vyrašyŭ padzialicca čymści bolš asabistym — historyjaj svajoj vazektamii. Tak nazyvajuć apieracyju, padčas jakoj u mužčyn pieraviazvajuć abo vydalajuć frahmient siemiavyvodnych pratokaŭ. U vyniku mužčyna hublaje zdolnaść mieć dziaciej, ale ŭ jaho zachoŭvajecca mahčymaść vieści pałavoje žyćcio. To-bok vazektamija — heta radykalny sposab vyrašyć pytańnie kantracepcyi, apieracyja ŭ niečym padobnaja da pieraviazvańnia matačnych trub u žančyn.
Na takuju praceduru i rašyŭsia błohier. Čytačoŭ jon zapeŭniŭ, što daŭno chacieŭ zrabić vazektamiju i jaho budučaja žonka jaho całkam padtrymlivaje, u vyniku «ŭ nas nie budzie dziaciej, tolki kachańnie». Apieracyja ŭ Łatvii abyšłasia Ramanu ŭ 553 jeŭra: 322 jeŭra kaštavała sama vazektamija, 190 — ahulny narkoz, 41 jeŭra — pałata ŭ balnicy na dzień. Błohier adznačyŭ, što paśla apieracyi jamu jašče i prynieśli pajeści: Raman atrymaŭ boršč, katletu z bulbaj, sałatu i kampot.
Nu vot i vsie, ja pojechał na opieraciju diełať vazektomiju, davno chotieł i moja buduŝaja žiena mienia połnosťju poddierživajet, u nas nie budiet dietiej, tolko lubov́. ✌️☮️ pic.twitter.com/xRq4MADxvz
— Roman of Spades (@Roman_of_Spades) July 13, 2023
Da apieracyi pasty mužčyny nabirali zbolšaha pa 10—20 tysiač prahladaŭ, ale publikacyi, źviazanyja z vazektamijaj, bjuć rekordy papularnaści. U pasta pra toje, što Ramana čakaje takaja pracedura, bolš za miljon prahladaŭ i 826 kamientaroŭ, u publikacyi pra toje, što pracedura skončyłasia, — bolš za 255 tysiač prahladaŭ i 203 kamientary.
Siarod kamientataraŭ znajšlisia tyja, chto padtrymaŭ Ramana (choć i nie ŭsie ŭsurjoz). Ludzi zyčyli jamu pośpiechaŭ, a taksama adznačali, što ź jaho boku vielmi pachvalna ŭziać na siabie adkaznaść za kantracepcyju ŭ pary.
Ź inšaha boku, chapała i takich kamientataraŭ, chto krytykavaŭ mužčynu.
Treciaja katehoryja kamientataraŭ prosta nie viedała, jak reahavać na admovu maładoha błohiera mieć dziaciej.
Jak potym adznačyŭ sam Raman, paśla vazektamii ŭsio-taki možna mieć dziaciej. Dla hetaha treba skarystacca mietadam EKA abo ŭsynaŭleńniem, jość i zvarotnaja apieracyja. Udakładnim, što jana zusim nie harantuje stanoŭčaha efiektu: kali zrabić apieracyju ciaham 10 hadoŭ paśla vazektamii, šansy na pośpiech składajuć 55%, a potym i ŭvohule źnižajucca da 25%.
«Naša Niva» — bastyjon biełaruščyny
PADTRYMAĆPaśla arhazmu (asabliva razam) lepš śpiš, ciapier aficyjna
Studentka praanalizavała, jak pratesty paŭpłyvali na seksualnaje žyćcio biełarusaŭ
Ciapier čytajuć
Biełarus pajšoŭ da kalinoŭcaŭ praz Homielskuju vobłaść. Voś što było ź im dalej1
Kamientary
Chiba moža hołas stanie tonieńkim, to ŭ kaściole śpiavać možna budzie, ludziam radaść prynosić.
heta sapraŭdy redkaja źjava