Čaćviortaja kałona PVK «Vahnier» prybyła ŭ Biełaruś: u joj za 80 mašyn — «Biełaruski Hajun»
U napramku Asipovičaŭ i łahiera ŭ v. Cel pa trasie M-5 ad Babrujska ruchajecca jašče adna bujnaja kałona najmitaŭ PVK «Vahnier», jak paviedamlaje manitorynhavaja hrupa «Biełaruski Hajun».
Karta: «Biełaruski Hajun»
U składzie kałony jak minimum 80 mašyn roznych madyfikacyj: 18 fur, bolš za 20 pikapaŭ UAZ, hruzaviki-furhony, kala 20-ci «buchanak», a taksama aŭtobusy PAZ, mikraaŭtobusy i niekalki tentavanych «Urałaŭ» i KamAZaŭ. Technika ruchajecca z numarami «ŁNR» / «DNR».
Viadoma, što kałona raściahnułasia pa trasie na piać kiłamietraŭ i ciapier užo padjazdžaje da źjezda na viosku Cel, dzie znachodzicca namiotavy łahier dla najmitaŭ PVK «Vahnier». Heta ŭžo čaćviortaja kałona najmitaŭ Pryhožyna, jakaja prybyła ŭ Biełaruś ciaham apošnich dzion.
Pra Miełkaziorava ŭ jaho apošni dzień: «Było adčuvańnie, što jon stomleny, brakuje enierhii, rysy tvaru byli zapałyja»5
Kamientary