U niamieckaj ziamli Mieklenburh — Piaredniaja Pamieranija biełarus na fury trapiŭ u DTZ, udzielnikami jakoha stali adrazu čatyry hruzaviki. Pra heta paviedamlaje sajt «Biełaruś i śviet» sa spasyłkaj na miascovuju palicyju.

Incydent adbyŭsia 19 lipienia kala 16:49 na trasie BAB 24 u napramku Hamburha la horada Nojštat-Hlevie, niedaloka ad adnajmiennaj raźviazki.
Praz budaŭničyja raboty abočyna była pierakrytaja hruzavikom i zaharadžalnym pryčepam. Ź nieŭstanoŭlenaj pakul pryčyny naš 58-hadovy suajčyńnik urezaŭsia ŭ hety pryčep.
U vyniku ŭdaru zaharadžalny pryčep adkinuła na try inšyja hruzaviki, jakija znachodzilisia ŭ rajonie budaŭničaj placoŭki.

U vyniku avaryi 61-hadovy polski kiroŭca hruzavika z zaharadžalnym pryčepam paciarpieŭ surjozna, jašče adzin kiroŭca — 59-hadovy niemiec — atrymaŭ lohkija traŭmy.
Transpartnym srodkam była naniesiena materyjalnaja škoda na 220 tysiač jeŭra. Aŭtaban dla likvidacyi nastupstvaŭ pierakryvali na 4 z pałovaj hadziny.
Kamientary