Łukašysty ekstradavali ŭ Tadžykistan miascovaha apazicyjaniera Nizamidzina Nasrydzinava
Biełaruś ekstradavała ŭ Tadžykistan apazicyjnaha aktyvista Nizamidzina Nasrydzinava. Pra heta advakat Nasrydzinava paviedamiŭ jahonym svajakam, jakija žyvuć u Hiermanii, piša radyjo «Ozodi». Aficyjnaha paviedamleńnia ab ekstradycyi Nasrydzinava pakul niama.
Saidryza Nasrydzinaŭ, brat Nizamidzina, paviedamiŭ radyjo «Ozodi» 24 lipienia, što ab ekstradycyi aktyvista advakatu Nizamidzina paviedamili ŭ Hienprakuratury Biełarusi.
«Advakat raskazaŭ, što try dni tamu jon pajechaŭ u Hrodna da svajho padabaronnaha, adnak tam jamu zajavili, što zatrymanaha etapavali ŭ stalicu. U Hienprakuratury ŭ Minsku advakatu paviedamili ab ekstradycyi Nizamidzina ŭ Tadžykistan», — paviedamiŭ Saidryza Nasrydzinaŭ.
Nizamidzina Nasrydzinava zatrymali 8 studzienia pry pierasiačeńni miažy Biełarusi na zapyt uładaŭ Tadžykistana. Da pieradačy ŭładam Tadžykistana jon znachodziŭsia ŭ SIZA ŭ horadzie Hrodnie.
U Tadžykistanie suprać Nasrydzinava raspačataja kryminalnaja sprava ab publičnych zaklikach da ekstremisckaj dziejnaści abo apraŭdańni ekstremizmu (artykuł 307(1) KK). Za heta złačynstva ŭ Tadžykistanie praduhledžana pakarańnie ŭ vyhladzie pazbaŭleńnia voli na termin ad troch da piaci hadoŭ.
Hienieralnaja prakuratura Biełarusi pryniała rašeńnie ab ekstradycyi Nasrydzinava ŭ Tadžykistan 21 lutaha. Nasrydzinaŭ abskardziŭ hetaje rašeńnie ŭ sudzie, adnak, miarkujučy z usiaho, jaho skarha prahnazavana nie była zadavolenaja.
Nizamidzin Nasrydzinaŭ z kastryčnika 2015 hoda žyŭ u Hiermanii. Miascovyja ŭłady dali jamu i jaho siamiejnikam palityčny prytułak.
Žoncy Mikałaja Statkieviča viarnuli list z paznakaj «Admova ad atrymańnia»
«Nam nie ŭsio adno!» 29 lipienia projdzie anłajn-marafon salidarnaści z palitviaźniami
«U siłavikoŭ pavinny i tak być usie hetyja videa». Aŭtar vystaŭlenaha ŭ sieciva filma pra pratesty prakamientavaŭ hramadskuju reakcyju na svoj tvor
Kamientary