Premjerka Šymanicie pra vahnieraŭcaŭ u Biełarusi: «Hatoŭnaść Litvy — adekvatnaja situacyi»
Paśla prybyćcia na minułym tydni ŭ Biełaruś niekalkich kałon rasijskaj hrupoŭki «Vahnier» premjer-ministarka Litvy Inhryda Šymanicie zajaviła, što padrychtoŭka Litvy da mahčymych pahroz adekvatnaja ciapierašniaj situacyi, piša LRT.
«Padrychtoŭka i našych ustanoŭ, i našaha vojska adekvatnaja toj situacyi, jakuju my nazirajem ciapier, i zaŭsiody byli i buduć raznastajnyja zajavy, samyja biezadkaznyja, ab prymianieńni jadziernaj zbroi, ab Suvałkskim kalidory, ab čymści jašče», — skazała premjer-ministarka.
«Prosta varta zaŭvažać hetyja rečy ŭ ahulnym fonie, i, vidavočna, my heta bačym», — dadała jana.
Alaksandr Łukašenka zajaviŭ u niadzielu, što trymaje najmitaŭ «Vahniera» ŭ centralnaj častcy krainy, ale zajaviŭ, što jany «prosiacca na Zachad, prosiać u mianie dazvołu… pajechać u Varšavu, u Žešaŭ».
Raniej u paniadziełak ministr abarony Litvy Arvidas Anušaŭskas nazvaŭ takija zajavy dezynfarmacyjaj. Jon taksama adznačyŭ, što Litva hatovaja da mahčymych pravakacyj.
«Tak što davajcie pierastaniem tancavać pad dezynfarmacyjnyja zajavy Pu i Łu», — napisaŭ ministr na svajoj staroncy ŭ fejsbuku.
Ciapier čytajuć
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu1515
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu15
«Ja skazaŭ na videa, što mianie nie katujuć — na toj momant heta było praŭdaj. A praź dźvie hadziny mianie źbili». Ukrainski žurnalist dva hady pravioŭ u rasijskim pałonie — voś što jon pieražyŭ11
Kamientary