Vienhryja zaklikała dapuścić spartoŭcaŭ ź Biełarusi i Rasii da Alimpijady ŭ Paryžy
Kiraŭnik vienhierskaha MZS Pieter Sijarta adznačyŭ, što Budapiešt u pryncypie vystupaje suprać jakich-niebudź palityčnych zabaron abo bajkotaŭ, źviazanych z Alimpijskimi hulniami, bo palityka nie pavinna ŭmiešvacca ŭ praviadzieńnie spartyŭnych spabornictvaŭ.
Mižnarodny alimpijski kamitet (MAK) pavinien zabiaśpiečyć dopusk spartsmienaŭ z usich krain, u tym liku z Rasii i Biełarusi, na Alimpijskija hulni i nie padychodzić da vyrašeńnia hetaha pytańnia z punktu hledžańnia palityki. Takoje mierkavańnie vykazaŭ u aŭtorak ministr zamiežnych spraŭ i źniešnieekanamičnych suviaziaŭ Vienhryi Pieter Sijarta, jaki znachodzicca ŭ japonskim horadzie Fukuoka, dzie prachodziać čempijanat śvietu pa vodnych vidach sportu i kanhres Mižnarodnaj fiederacyi płavańnia, piša TASS.
Palityk paviedamiŭ, što abmierkavaŭ padrychtoŭku da letniaj Alimpijady ŭ Paryžy ŭ 2024 hodzie ź pieršym vice-prezidentam MAK Sier Mijanham.
«Mižnarodny alimpijski kamitet pracuje nad tym, kab spartsmieny z usich krain, uklučajučy Rasiju i Biełaruś, mahli ŭdzielničać u Alimpijadzie. My padtrymlivajem hetaje imknieńnie, tamu što spartsmieny nie pavinny prajhravać u vyniku rašeńniaŭ z vobłaści hieapalityki.
Jany nie pavinny nieści adkaznaść za vajnu va Ukrainie. Spartsmieny nie ŭvachodziać u lik tych, chto prymaŭ rašeńnie ab hetaj vajnie, tamu niama nijakich padstaŭ pazbaŭlać ich mahčymaści vystupać [na Alimpijadzie]», — zajaviŭ Sijarta ŭ intervju vienhierskamu spartyŭnamu telekanału M4.
Kiraŭnik MZS Vienhryi adznačyŭ, što jaho kraina ŭ pryncypie suprać jakich-niebudź palityčnych zabaron abo bajkotaŭ, źviazanych z Alimpijskimi hulniami, bo palityka nie pavinna ŭmiešvacca ŭ praviadzieńnie spartyŭnych spabornictvaŭ.
Ministr nahadaŭ, što ŭ svoj čas vienhierskija spartsmieny, jak i mnohija ich zamiežnyja siabry-supierniki, paciarpieli, kali ŭ 1984 hodzie krainy sacyjalistyčnaha łahiera ŭśled za Savieckim Sajuzam vyrašyli bajkatavać letnija Alimpijskija hulni ŭ Łos-Andželesie. Dla mnohich ź ich heta byŭ adziny šaniec u žyćci trapić na takija spabornictvy, i paśla hetaha jany ŭžo nie zmahli ŭdzielničać u Alimpijadzie.
«Spartoŭcaŭ, jakija nie majuć nijakaha dačynieńnia da vajny i palityčnaj situacyi ŭ śviecie, nielha pazbaŭlać mahčymaści sumlenna spaborničać na budučych letnich Alimpijskich hulniach», — padkreśliŭ Sijarta.
***
Siońnia Mižnarodny alimpijski kamitet pavinien razasłać zaprašeńni krainam na Alimpijadu-2024, jakaja pačniecca roŭna praz hod, 26 lipienia 2024 hoda. Adnak takija zaprašeńni nie buduć pasłanyja ŭ Biełaruś, Rasiju i Hvatemału. Rašeńnie pa Biełarusi i Rasii budzie pryniata ŭ kancy vieraśnia.
28 sakavika 2023 hoda vykankam Mižnarodnaha alimpijskaha kamiteta rekamiendavaŭ mižnarodnym spartyŭnym fiederacyjam dapuskać rasijskich i biełaruskich atletaŭ vyklučna ŭ niejtralnym statusie, pryčym tolki tych, chto publična nie vykazvaŭsia ŭ padtrymku vajny i chto nie źviazany z Uzbrojenymi siłami abo orhanami nacyjanalnaj biaśpieki. Pry hetym rasijskija i biełaruskija spartsmieny nie pavinny vystupać u kamandnych vidach sportu.
Kab trapić na Alimpijadu, treba atrymać adpaviednyja licenzii na peŭnych mižnarodnych spabornictvach. Biełarusaŭ nie dapuścili da Jeŭrapiejskich hulniaŭ u Krakavie, dzie razyhryvałasia peŭnaja kolkaść licenzij, ale jany buduć udzielničać u Azijackich hulniach.
«Moža, bajaŭsia zastavacca ŭ šlubie sa mnoj, bo pracuje na BT». Nastaŭnica, jakaja źjechała praz danosy Bondaravaj, raspaviała pra razvod i žyćcio ŭ emihracyi1414
Kamientary
Vienhrija łobirrujet i zaŝiŝajet intieriesy putina, razrušaja ES i NATO iz nutri, ispolzuja princip vsie za, vsiehda hołosuja protiv i za putina.