Hramadstva1616

Na «Hrodna-Azocie» karty palaka prapanujuć zdavać u KDB

Jak stała viadoma «Našaj Nivie», na «Hrodna-Azocie» pačali paŭtorna vyklikać uładalnikaŭ karty palaka i prymušać adračysia jaje. Dakumient možna addać niepasredna ŭ ruki supracoŭnika KDB.

Zastaŭka: «Naša Niva»

Patrabujuć dokazy, što ty adroksia karty palaka

Niadaŭna na zavodzie pačali paŭtorna vyklikać tych, kamu raniej kazali adračysia karty palaka. Meta — udakładnić, ci supracoŭnik pryniaŭ prapanovu i admoviŭsia ad dakumienta.

«Byŭ niejki pieryjad, kali pačało zdavacca, što cikavaść da ŭładalnikaŭ karty palaka źnikła. Niejki čas, nakolki mnie viadoma, nikoha nie ciahali pa hetym pytańni. Niekatoryja navat spadziavalisia, što na tyja razmovy, dzie prymušali admovicca ad karty, vyklikali dziela ptušački. Nasamreč vyjšła, što jany prosta dali niejki čas, kab ludzi mahli vyznačycca i zrabić «pravilny vybar», — raskazvaje čałaviek, znajomy ź situacyjaj u administracyi «Hrodna-Azota».

Ludziej pačali paŭtorna vyklikać miascovyja kadebešniki ad pačatku leta.

«Na słova nie vierać, patrabujuć prynieści dokazy, dzie budzie paznačana, što ty chadziŭ u konsulstva i zrabiŭ usio aficyjna. Kali nijakich dokazaŭ niama, to robiać apošniaje papiaredžańnie i prapanujuć zdać kartu niepasredna im u ruki. Nakolki viadoma, niekatoryja paśla čarhovych pahroz być zvolnienymi pahadžajucca na taki varyjant».

Pa infarmacyi krynicy, znajomaj ź situacyjaj, na pradpryjemstvie naźbirałasia ŭžo bolš za dziasiatak čałaviek, jakija takim čynam zdali svaje karty palaka.

Surazmoŭca vykazvaje mierkavańnie, što taki varyjant moža zadavalniać kiraŭnictva pradpryjemstva i karnyja orhany tym, što, nie majučy na rukach karty palaka, čałaviek nie zmoža padać dakumienty na atrymańnie vizy ci zrabić niejkija inšyja pracedury. A kali čałaviek zachoča adnavić dakumient, to praź niekatory čas biełaruskija orhany daviedajucca pra heta.

Ilustracyjny zdymak. Fota: «Naša Niva»

Možna adznačyć, što tyja ludzi, jakija nie adrakucca karty palaka aficyjna, a zdaduć dakumient u ruki kadebešnika, chutčej za ŭsio, buduć mieć mahčymaść adnavić hety dakumient u budučyni, spasłaŭšysia na toje, što jany nibyta zhubili kartku.

Ale rabić heta buduć tolki tady, kali čałaviek užo nie budzie zaležać ad pracy ŭ dziaržaŭnaj ustanovie ci na pradpryjemstvie. Jak tolki čałaviek atrymaje vizu na padstavie karty palaka i pajedzie ź joj praź miažu, pamiežniki daviedajucca pra heta i zmohuć pieradać infarmacyju dalej.

Kolki etničnych palakaŭ žyvie ŭ Biełarusi?

Pa danych pierapisu nasielnictva 2019 hoda, dola palakaŭ u krainie — 3,1% nasielnictva, abo bolš za 287 tysiač čałaviek. Kala 2/3 ź ich žyvie na terytoryi Hrodzienskaj vobłaści. Dola palakaŭ na Hrodzienščynie składaje 21,5% nasielnictva. U Voranaŭskim rajonie palaki pa samavyznačeńni składajuć bolšaść nasielnictva.

Pačynajučy z 2008 hoda konsuły ŭ Biełarusi vydali bolš za 160 tysiač kartaŭ palaka. Ich atrymlivali ludzi roznych nacyjanalnaściej — najčaściej, kab mieć mahčymaść lahčej jeździć u Polšču ci pracavać tam.

Nahadajem, što 11 lipienia nabyŭ moc abnoŭleny zakon «Ab hramadzianstvie». Zhodna ź im, biełarusy, jakija atrymali hramadzianstva inšych krain, dazvoł na žycharstva ci inšy dakumient zamiežnaj dziaržavy (naprykład, kartu palaka), jaki daje prava na lhoty i inšyja pieravahi, na praciahu troch miesiacaŭ z dnia atrymańnia adpaviednych dakumientaŭ abaviazanyja paviedamić pra heta ŭ orhany ŭnutranych spraŭ abo ŭ orhany dypłamatyčnaj słužby.

«Naša Niva» — bastyjon biełaruščyny

PADTRYMAĆ

Čytajcie taksama: 

Pačynajuć cisnuć navat z-za rodzičaŭ. Novy ŭzrovień u baraćbie z uładalnikami karty palaka? 

Ułady adsočvajuć tych, chto robić apastyl na dakumienty?

Kamientary16

  • Marfa
    26.07.2023
    Chutčej by ŭžo połk Kalinoŭskaha zajšoŭ u Biełaruś
  • Kažan
    26.07.2023
    Ni ŭ jakim vypadku nielha hetaha rabić. Panstva padpisvali prysiahu na viernaść Polskamu narodu j Polščy. Zrakčysia Karty Palaka značyć zrakčysia svajoj etničnaj prynaležnaści.
  • bubazavr
    26.07.2023
    Chotieli usidieť na dvuch stuljach, kak obyčno, po- biełorusski. Nie poviezło. Dumali, po biełoruski, pieriesidieť riežim, i tut obłom. Nado vybirať storonu było. A tiech, kto ni vašim, ni našim - piervymi toho.
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

U šaści biełaruskich haradach Biełarusi pačałasia epidemija reśpiratornych infiekcyj. A jakaja situacyja ŭ cełym?1

U šaści biełaruskich haradach Biełarusi pačałasia epidemija reśpiratornych infiekcyj. A jakaja situacyja ŭ cełym?

Usie naviny →
Usie naviny

Pieramovy Rasii i ZŠA ŭ Er-Ryjadzie zaviaršylisia, pra vyniki paviedamiać zaŭtra1

U Minsku za apošnija sutki vypali dźvie traciny miesiačnaj normy apadkaŭ2

Razam z prapahandystam Fiedarčakom zahinuli jašče dva pradstaŭniki rasijskich ŚMI11

Błohier Vadimati raśpisaŭsia anłajn sa svaim partnioram, ź jakim razam užo bolš za 10 hadoŭ14

Rasija na pieramovach u Saudaŭskaj Aravii patrabuje ŭsiu terytoryju čatyroch ukrainskich abłaściej21

U «Minsk-Śviecie» vyrašyli pytańnie z apłataj za šyldy na damach

Daradca Trampa pa nacbiaśpiecy vypadkova dadaŭ žurnalista ŭ sakretny čat u Signal. Raskrytyja miechanizmy pryniaćcia rašeńniaŭ18

Tramp: Na pieramovach u Er-Ryjadzie abmiarkoŭvajucca terytaryjalnyja pytańni i vałodańnie AES7

U Biełarusi narešcie źjaviacca elektronnyja recepty i balničnyja. Prajekt zatrymaŭsia na try hady z-za sankcyj1

bolš čytanych navin
bolš łajkanych navin

U šaści biełaruskich haradach Biełarusi pačałasia epidemija reśpiratornych infiekcyj. A jakaja situacyja ŭ cełym?1

U šaści biełaruskich haradach Biełarusi pačałasia epidemija reśpiratornych infiekcyj. A jakaja situacyja ŭ cełym?

Hałoŭnaje
Usie naviny →

Zaŭvaha:

 

 

 

 

Zakryć Paviedamić