U hetych minskich kvaterach kvadrat kaštuje bolš za 10 tysiač dalaraŭ. Što za jany?
Heta bolš čym u čatyry razy daražej, čym u siarednim u stalicy.
Pałac u šmatpaviarchoviku
Kvatera, kvadrat u jakoj kaštuje kala $10180, samaja darahaja z vystaŭlenych na prodaž u Minsku. Mieścicca jana ŭ ŽK «Pory hoda» pa adrasie Kisialova, 17.
Prosiać za jaje $2,88 miljona. Ahulnaja płošča kvatery — 283 mietry.
Jak pa płoščy, tak i pa interjerach jana bolš padobnaja da pałaca, a nie da kvatery. Ramont u hetaj kvatery vykanany ŭ kłasičnym (pałacavym) styli z vyjaŭnymi elemientami baroka i rakako.
U kvatery try sanvuzły, adzin ź jakich pa pamierach supastaŭny sa studyjaj u «Minsk-Śviecie», try harderobnyja i navat pralnia.
U asnoŭnym spalnym pakoi staić vialiki łožak. Stol i ścieny upryhožanyja lapninaj, na padłozie lažyć parkiet.
Taksama jość vializnaja stałovaja-haścioŭnia, dźvie spačyvalni, kabiniet i kuchnia.
Azdableńnie, usia mebla i technika ŭ kvatery vyklučna vytvorčaści darahich brendaŭ.
Santechnika i kuchonny posud u hetaj kvatery — italjanskaj firmy Versace.
Ahułam kvatera pakidaje ŭražańnie, byccam heta niejki pałac XVIII—XIX stahodździa, u jakim žyvuć arystakraty.
Pry hetym sam dom, u jakim mieściacca hetyja carskija apartamienty, zvonku vyhladaje daloka nie arystakratyčna.
Z terasaj i vidam na Ślapianku
U kvatery, jakuju pradajuć u ŽK «Akvamaryn», kvadrat kaštuje $10650. Ahulnaja płošča — 216 mietraŭ, ź jakich amal 93 prypadaje na terasu, ź jakoj adkryvajecca vid na Ślapianku.
Samaje vialikaje pamiaškańnie ŭnutry kvatery — kuchnia-haścioŭnia na 69 kvadrataŭ. Ramont u kvatery vykanany ŭ sučasnym minimalistyčnym styli.
U kvatery dva sanvuzły, harderobnaja na 21 kvadrat i try spačyvalni. Adnaja dla darosłych na 19 mietraŭ i dźvie dziciačyja, jakija majuć prachod pamiž saboj.
U apisańni paznačana, što nad prajektam kvatery pracavali francuzskija dyzajniery.
Razam z kvateraj iduć dva pamiaškańni na dachu (tvorčyja studyi pa 23 mietry kožnaja) i dva mašyna-miescy z pryładaj siłkavańnia dla elektraaŭtamabilaŭ.
Za ŭsio razam prosiać $2,3 miljona.
Apartamienty ŭ DEPO
Samy darahi mietr — u trochpakajoŭcy ŭ kvartale DEPO, 11 tysiač dalaraŭ. Praŭda, z ulikam davoli nievialikaj płoščy košt kvatery nie taki ŭžo vysoki ŭ paraŭnańni z papiarednimi varyjantami — usiaho $980 tysiač.
Kvatera vykanana ŭ minimalistyčnym styli z elemientami džapandzi (heta spałučeńnie japonskaha i skandynaŭskaha stylaŭ).
Samaje vialikaje pamiaškańnie — kuchnia-haścioŭnia amal na 30 kvadrataŭ.
Što da astatnich pakojaŭ — spalni i kabinieta, — to ich pamiery ścipłyja — 14,5 mietra i 15 mietraŭ.
Taksama ŭ kvatery jość dva sanvuzły i nievialikaja harderobnaja z aknom.
Nakolki realnyja takija ceny na kvatery ŭ Minsku?
Pakul samaj darahoj kvateraj u Minsku, pradadzienaj za ŭvieś čas, ličacca apartamienty ŭ žyllovym kompleksie «Kamfort Park» pa adrasie Hrybajedava, 21. Kvateru na 168 mietraŭ pradali hetym letam za $1,167 miljona, to-bok amal pa $7000 za mietr. I heta za kvateru z hołymi ścienami. Dva parkovačnyja miescy kaštavali jašče amal $100 tysiač.
Ciapier čytajuć
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im6
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski1010
Kamientary
nu vy kaniečnie vykazalisia) dosyć "pa-bahatamu" i źniešniaje azdableńnie doma taho..
darečy, a heta nie z-za hetaha (u tym liku) doma stalinski praśpiekt (t.zv. Niezaležnaści) nie stali ŭklučać u śpis Juneska? nahadajcie mnie.. a-to pamiać zusim užo ŭ kafku