Paviedamlajecca, što Departamient finansavych rasśledavańniaŭ Kamiteta dziaržaŭnaha kantrolu vyjaviŭ parušeńni zakanadaŭstva ab licenzavańni, dapuščanyja miedcentram.
Suiskalnikam dziela atrymańnia licenzii na miedycynskuju dziejnaść u Ministerstva achovy zdaroŭja pradstaŭleny padroblenyja dakumienty ź niedakładnymi źviestkami ab adkaznych asobach, jakija nie byli pracaŭładkavanyja na pradpryjemstvie, jak paviedamlaje Minzdaroŭja.
«Z metaj uviadzieńnia ŭ zman taksama vykarystoŭvalisia dakumienty ab pamiaškańniach i miedycynskich vyrabach, jakija nie adpaviadali rečaisnaści, aformlenyja na jurydyčnuju asobu da jaje stvareńnia i rehistracyi», — havorycca ŭ paviedamleńni viedamstva.
Hetyja fakty razhledžanyja kamisijaj Ministerstva achovy zdaroŭja i znajšli svajo paćviardžeńnie.
Tamu kalehija Minzdaroŭja pryniała rašeńnie spynić dziejańnie licenzii UP «Miedycynski centr «Novy zrok» na miedycynskuju dziejnaść z daty jaje vydačy, a taksama licenzii na dziejnaść, źviazanuju z abarotam narkatyčnych srodkaŭ, psichatropnych rečyvaŭ i ich prekursoraŭ z 27 lipienia.
Minzdaroŭja paviedamlaje, što na miedycynskija centry «Novy zrok» prypadaje ŭsiaho 1,7% naviedvańniaŭ u struktury aftalmałahičnaj dapamohi, jakaja akazvajecca ŭ krainie.
Kvalifikavanym daktaram-aftalmołaham i inšym supracoŭnikam miedycynskich centraŭ «Novy zrok» budzie prapanavana pracaŭładkavańnie ŭ arhanizacyjach dziaržaŭnaj sistemy achovy zdaroŭja.
Paśla papiaredžańnia ad Kitaja kolkaść mihrantaŭ na polskim kirunku skaraciłasia ŭ razy — HRAFIK1
Paśla papiaredžańnia ad Kitaja kolkaść mihrantaŭ na polskim kirunku skaraciłasia ŭ razy — HRAFIK
«Moj kachany nie čytaje naviny, kali jany napisanyja pa-biełarusku». Darja Caryk stała na abaronu ruskaj movy i pryplała navat Paźniaka93
Kamientary
nu j ja adkazvaju jamu, jak sama razumieju heta ŭsio
a kažu ja, jak praviła, prama
to bok - luboje štučnaje ŭmiašalnictva ŭ arhanizm - heta drenna