Dla nastalhujučych: «Sadamchusejnbačańnie»
Miljony hledačoŭ u arabskim śviecie, što ŭklučyli svaje televizary ŭ kancy hetaha tydnia, byli paradkam ździŭlenyja, ŭbačyŭšy na adnom z novym kanałaŭ znajomy da bolu tvar byłoha irackaha kiraŭnika Sadama Chusejna. Takim paradkam u pieršy dzień śviata Kurban-Bajram i ŭ treciuju hadavinu sa dnia pakarańnia dyktatara śmierciu pačaŭ viaščańnie spadarožnikavy kanał, jaki ŭsie hadziny svajho efiru tranśluje fotazdymki i archiŭnyja kadry Sadama Chusejna z roznych pieryjadaŭ jaho kiravańnia. Na teleekranie Sadam źjaŭlajecca to na kani, to ŭ vajskovaj formie, a kali-nikali atočany svaimi synami. Časam strakaciać zdymki nieviadomaj mahiły, abkładzienaj irackimi ściahami. Na tle – patryjatyčnyja pieśni. Kanał nazyvaje siabie to «El-Arabi» («Arab»), to «Al-Łafita» («Štandar»).
U Siryi reparciory infarmacyjnaha ahienctva AR znajšli čałavieka, Muchamada Džarboha, jaki śćviardžaje, što źjaŭlajecca dyrektaram «chusejnaŭskaha» kanału. Džarboha kaža, što jaho kanał pryznačany dla arabamoŭnych hledačoŭ, jakija «tužać pa uładzie Sadama». Hramadzianin Siryi admoviŭsia dać infarmacyju, dzie biarucca srodki na kanał i adkul jon tranślujecca.
Daradca pa srodkach masavaj infarmacyi irackaha premjer-ministra Nury Al-Maliki admoviŭsia ad abmierkavańnia novaha telekanał i jaho źmiestu.
Ciapier čytajuć
«Jak tolki čujuć pra Rasiju — dyk usio… U čym prablema?» U Minsku nie chočuć zdavać kvateru čałavieku z rasijskim pašpartam16
Kamientary