Šajhu acaniŭ straty Ukrainy ŭ bolš čym 20 tysiač čałaviek za adzin miesiac
Pra ŭłasnyja straty rasijski ministr ničoha nie paviedamiŭ.
Ministr abarony Rasii Siarhiej Šajhu śćviardžaje, što USU stracili ŭ lipieni hetaha hoda bolš za 20 tysiač vajskoŭcaŭ.
«Za minuły miesiac u vyniku paśpiachovych dziejańniaŭ našych vojskaŭ straty praciŭnika skłali bolš za dvaccać tysiač vosiemsot vajskoŭcaŭ, kali kazać dakładna, to 20 824 čałavieki», — zajaviŭ Šajhu ŭ paniadziełak.
Akramia taho, pa śćviardžeńniach Šajhu, ukrainskaja armija straciła za adzin miesiac 2 227 «adzinak roznaha ŭzbrajeńnia», «u tym liku 10 tankaŭ Leopard, 11 amierykanskich BMP Bradley, 40 amierykanskich artyleryjskich sistem M777 i 50 samachodnych artyleryjskich ustanovak ź Vialikabrytanii, ZŠA, Hiermanii, Francyi i Polščy».
Pra ŭłasnyja straty rasijski ministr ničoha nie paviedamiŭ.
Pavodle źviestak analityčnaha internet-partała Oryx, jaki aceńvaje straty bakoŭ na padstavie dakumientalna paćvierdžanaj i vieryfikavanaj infarmacyi, rasijskaje vojska hublaje padčas bajoŭ va Ukrainie našmat bolš vajskovaj techniki, čym USU.
Tak, pavodle apošnich źviestak ekśpiertaŭ, z pačatku poŭnamaštabnaha ŭvarvańnia Ukraina straciła ahułam 4 042 adzinki techniki. Straty Rasii, pavodle ich padlikaŭ, skłali 11 445 adzinak.
Ciapier čytajuć
Pra Miełkaziorava ŭ jaho apošni dzień: «Było adčuvańnie, što jon stomleny, brakuje enierhii, rysy tvaru byli zapałyja»9
Kamientary