Частка вагнераўцаў размясцілася непадалёк ад мяжы з Літвой — Наўседа
Размяшчэнне наймітаў ПВК «Вагнер» у Беларусі — гэта важны фактар рызыкі для бяспекі. Частка з іх знаходзіцца паблізу мяжы з Літвой у Гродне. Пра гэта заявіў прэзідэнт Літвы Гітанас Наўседа падчас сустрэчы з прэм'ер-міністрам Польшчы Матэвушам Маравецкім у Сувалскім калідоры, як паведамляе LRT.
Як адзначыў Наўседа, колькасць наймітаў у Беларусі ўжо перавышае ці набліжаецца да чатырох тысяч. Частка з іх заняла пазіцыі ў Гродзенскай вобласці, у сувязі з чым існуе рызыка правакацый на польскай ці літоўскай мяжы. Літва, са свайго боку, ужо прыняла меры для ўзмацнення аховы мяжы, а таксама падрыхтавала і абнавіла планы прыкрыцця мяжы, уключаючы падмацаванне з боку войска.
«У нас могуць быць розныя погляды на намеры баевікоў у Беларусі, але цалкам зразумела адно: і для Пуціна, і для Лукашэнкі было б занадта вялікай спакусай не скарыстацца прысутнасцю баевікоў «Вагнера» ў іх непасрэдным суседстве для магчымых правакацый супраць краін NATO», — заявіў Наўседа.
Падчас размовы з літоўскімі медыя, прэзідэнт Літвы адзначыў, што колькасць наймітаў у Беларусі, імаверна, вырасце да 10 тысяч. Таксама ён перасцярог ад грэблівага стаўлення да байцоў ПВК, бо гэта «сур'ёзная сіла, а не нейкія недасведчаныя хлопцы, якія не ўмеюць абыходзіцца са зброяй».
Наўседа адзначыў, што Літва павінна мець выразныя алгарытмы дзеяння ў выпадку ўскладнення сітуацыі вакол вагнераўцаў, уключаючы закрыццё мяжы з Беларуссю.
Гэта павінна быць узгоднена з Польшчай і Латвіяй. У прыватнасці, правакацыі з боку наймітаў будуць разглядацца як дзеянні з боку Расіі.
«Правяраюць рэакцыю Польшчы і саюзнікаў». Маравецкі ацаніў колькасць вагнераўцаў у Беларусі
У Беларусь заехала 14-я калона вагнераўцаў, у асноўным фуры з кантэйнерамі
Вагнеравец, які цяпер у Асіповічах: Заробак — 24 тысячы рублёў. Лукашэнка абяцае нам беларускае грамадзянства
Прыгожын заявіў, што «Вагнер» спыніў набор наймітаў
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»3
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»
Вайб-праграмаванне зменіць ролю распрацоўшчыка, RLVR, і калі лопне бурбалка. Беларус-інжынер у галіне ШІ, які працуе ў ЗША, расказаў, што нас чакае ў 202633
Каментары