«Rakiety — ź Biełarusi!» Rakietnaja ataka na Ukrainu
Va Ukrainie hučyć pavietranaja tryvoha. Pavietranyja siły Ukrainy zajavili pra pusk «Kinžałaŭ» z rajona Tambova i nienazvanych rakiet ź Biełarusi.
U subotu 5 žniŭnia adbyłasia adna ź intensiŭnych rakietnych atak pa Ukrainie.
Ukrainskaje kamandavańnie paviedamiła, što rakiety lacieli ŭ tym liku z terytoryi Biełarusi. Pakul niama infarmacyi, chto i adkul zapuskaŭ hetyja rakiety.
Kali vy majecie bolš infarmacyi pra heta, pišycie redaktaru «Našaj Nivy» ŭ TH ci na [email protected]. Albo pišycie asabista tym žurnalistam i redaktaram «Našaj Nivy», jakich vy viedajecie i jakim daviarajecie (lepš — u sihnał ci telehram).
00:45. Połk Kalinoŭskaha zajaviŭ, što «pavodle infarmacyi, jakoj my dakładna vałodajem, nijakich atak z boku Biełarusi nie adbyłosia»
Ci aznačaje heta, što praz pavietranuju prastoru Biełarusi pa celach va Ukrainie lacieli rakiety, vypuščanyja z terytoryi Rasii? Kampałka Dzianis Procharaŭ «Kit» nie daŭ adkazu na hetaje pytańnie.
«Kit» skončyŭ svoj zvarot da biełarusaŭ zaklikam: «nie dajcie siabie padmanuć».
Rakietnaja ataka na Ukrainu 5 žniŭnia była adnoj z samych masiravanych.
Jaje hałoŭnaj cellu byŭ aeradrom u Starakanstancinavie Chmialnickaj vobłaści, dzie bazujucca ŭkrainskija šturmaviki Su-24, nośbity rakiet Storm Shadow.
Voś što paviedamlajuć Pavietranyja siły Ukrainy: «U pieršaj chvali ŭviečary 5 žniŭnia vorah užyŭ 14 kryłatych rakiet marskoha bazavańnia «Kalibr» i try aerabalistyčnyja rakiety Ch-47 «Kinžał». 12 z 14 «Kalibraŭ» byli źniščanyja supraćpavietranaj abaronaj. Adnosna «Kinžałaŭ» infarmacyi nie apublikujem.
Učora paviedamlałasia, što padčas viečarovaj ataki častka rasijskich rakiet pryjšła z pavietranaj prastory Biełarusi.
U noč na 6 žniŭnia Ukrainu atakavali ŭdarnymi BpŁA «Shahed-136/131», kryłatymi rakietami «Kalibr» — z Čornaha mora i kryłatymi rakietami Ch-101/Ch-555 z samalotaŭ z rajona Kaśpija.
Ukraincy źniščyli ŭsie 27 «Šachiedaŭ», 5 z 6 «Kalibraŭ» i 13 z 20 Ch-101/Ch555.
Rakietnyja ataki pa Ukrainie praciahvajucca ź pieršaha dnia vajny. Ukraina nie maje roŭnaha rasijskamu rakietnaha patencyjału, tamu Maskva raźličvała pastavić rakietnami ŭdarami Kijeŭ na kaleni. Adnak hetaha nie zdaryłasia.
6 žniŭnia, 10:20. «Rasija mahła imitavać puski rakiet z terytoryi Biełarusi z metaj pravakacyi — kab uciahnuć jaje ŭ vajnu suprać Ukrainy». Pra heta Ukrinfarmu skazaŭ pradstaŭnik Hałoŭnaha ŭpraŭleńnia raźviedki Minabarony Ukrainy Andrej Jusaŭ.
«Ab rakietach z terytoryi Biełarusi — imavierna, heta byŭ elektronny pusk abo imitacyja pusku, bo na terytoryi hetaj krainy raźmieščanyja rasijskija vojski, siły i srodki dla roznaha rodu pravakacyj, kab uciahnuć jaje ŭ vajnu suprać Ukrainy», — skazaŭ Jusaŭ.
Stała viadoma, chto žanich byłoj deputatki Maryi Vasilevič26
Kamientary