Pad sud patrapiŭ taksist, jaki nabyŭ rečy, zabranyja ŭ abrabavanych inšaziemcaŭ
U Bierastavickim rajonie buduć sudzić 31-hadovaha taksista, jaki pierakupiŭ u złačyncaŭ rečy abrabavanych vychadcaŭ z Paleściny, viedajučy, što jany skradzienyja, paviedamili ŭ pres-słužbie Hienieralnaj prakuratury.
Viadoma, što na vychadcaŭ z Paleściny ŭ Biełarusi napali čaćviora žycharoŭ Bierastavicy. Častku skradzienaj u inšaziemcaŭ majomaści abvinavačvany taksist paśla nibyta vykupiŭ za 2000 biełaruskich rubloŭ ź liškam i pierapradaŭ.
«Fihurantu inkryminujuć nabyćcio, zachoŭvańnie i zbyt materyjalnych kaštoŭnaściaŭ, zdabytych zaviedama złačynnym šlacham (č. 1 art. 236 Kryminalnaha kodeksa Biełarusi). Kryminalnaja sprava nakiravanaja ŭ sud», — paviedamili ŭ pres-słužbie Hienprakuratury.
Da suda padazravany znachodzicca pad padpiskaj ab niavyjeździe i naležnych pavodzinach.
Na abiedzie Łukašenki i Si Czińpina prysutničała i adzinaja dačka kitajskaha lidara11
Kamientary