Admovu atrymali składalniki pietycyi, jakija źviartalisia da haradskich uład z prośbaj abo pierajmienavać adnu z vulic abłasnoha centra, abo nazvać imiem słavutaha paeta novuju vulicu.
U liście, padpisanym namieśnikam staršyni harvykankama Paŭłam Manakom, pryznačanym na hetuju pasadu dva z pałovaj miesiacy tamu, havorycca, što bolš metazhodna ŭšanavać pamiać vybitnaha paeta i hramadskaha dziejača ŭ Minsku, Połacku ci Rasonach. Maŭlaŭ, z hetymi nasielenymi punktami najbolš ciesna źviazany jaho žyćciovy i tvorčy šlach, piša «Viciebskaja viasna».
U adkazie ŭradženca Šumilinščyny Paŭła Manaka ničoha nie havorycca pra toje, ci hatovy čynoŭnik źviarnucca z takoj prapanovaj, prykładam, u Połacki abo Rasonski rajvykankamy. Ale ŭ abłasnym centry mieć vulicu ŭ pamiać pra čałavieka, jaki z 1990 pa 1994 hady zajmaŭ pasadu pastajannaha pradstaŭnika Biełarusi pry AAN — pieršaha ŭ historyi niezaležnaj Biełarusi, a paźniej byŭ namecnikam minictpa kyltypy i druku Biełarusi, čynoŭnik nie ličyć patrebnym.
Ideja pra nadańnie vulicy ŭ Viciebsku imia Hienadzia Buraŭkina źviazana z tym, što jon naradziŭsia ŭ Rasonskim rajonie. Dziacinstva paeta prajšło ŭ Połacku. Adnak ni ŭ abłasnym centry, ni ŭ Rasonach, ni ŭ Połacku niama vulicy jahonaha imia.
U 2014 h. z prapanovaj ušanavać pamiać pra Hienadzia Buraŭkina vystupała viciebskaje TBM: čalcy rady źviartalisia da tahačasnych premjer-ministra Michaiła Miaśnikoviča i kiraŭnika Administracyi Łukašenki Andreja Kabiakova. U zvarocie byli prapanovy nazvać u honar Buraŭkina vulicy ŭ Minsku, Połacku, Rasonach i prysvoić imia adnoj ź biblijatek na radzimie paeta na Viciebščynie. Nivodnaja z prapanoŭ nie ažyćciaviłasia.
Što zapisana aficyjnaj pryčynaj śmierci adzinaha syna Jarmošynaj?7
Kamientary