Адмову атрымалі складальнікі петыцыі, якія звярталіся да гарадскіх улад з просьбай або перайменаваць адну з вуліц абласнога цэнтра, або назваць імем славутага паэта новую вуліцу.
У лісце, падпісаным намеснікам старшыні гарвыканкама Паўлам Манаком, прызначаным на гэтую пасаду два з паловай месяцы таму, гаворыцца, што больш мэтазгодна ўшанаваць памяць выбітнага паэта і грамадскага дзеяча ў Мінску, Полацку ці Расонах. Маўляў, з гэтымі населенымі пунктамі найбольш цесна звязаны яго жыццёвы і творчы шлях, піша «Віцебская вясна».
У адказе ўраджэнца Шуміліншчыны Паўла Манака нічога не гаворыцца пра тое, ці гатовы чыноўнік звярнуцца з такой прапановай, прыкладам, у Полацкі або Расонскі райвыканкамы. Але ў абласным цэнтры мець вуліцу ў памяць пра чалавека, які з 1990 па 1994 гады займаў пасаду пастаяннага прадстаўнiка Беларусi пры ААН — першага ў гiсторыi незалежнай Беларусi, а пазней быў нaмecнiкaм мiнicтpa кyльтypы і друку Беларусі, чыноўнік не лічыць патрэбным.
Ідэя пра наданне вуліцы ў Віцебску імя Генадзя Бураўкіна звязана з тым, што ён нарадзіўся ў Расонскім раёне. Дзяцінства паэта прайшло ў Полацку. Аднак ні ў абласным цэнтры, ні ў Расонах, ні ў Полацку няма вуліцы ягонага імя.
У 2014 г. з прапановай ушанаваць памяць пра Генадзя Бураўкіна выступалa віцебскае ТБМ: чальцы рады звярталіся да тагачасных прэм’ер-міністра Міхаіла Мясніковіча і кіраўніка Адміністрацыі Лукашэнкі Андрэя Кабякова. У звароце былі прапановы назваць у гонар Бураўкіна вуліцы ў Мінску, Полацку, Расонах і прысвоіць імя адной з бібліятэк на радзіме паэта на Віцебшчыне. Ніводная з прапаноў не ажыццявілася.
Цяпер чытаюць
20‑гадовую дзяўчыну з аграгарадка Макраны на мяжы з Украінай асудзілі за Гаюна5
20‑гадовую дзяўчыну з аграгарадка Макраны на мяжы з Украінай асудзілі за Гаюна
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі1818
Каментары