Top kaśmietyčnych praduktaŭ made in Belarus, jakija možna vykarystoŭvać u štodzionnym makijažy
Spytali vizažystaŭ pra ich ulublenuju kaśmietyku biełaruskaj vytvorčaści, jakuju varta dadać u svaju kaśmietyčku.
Maryna, vizažyst z 10-hadovym vopytam
«Maja lubimica — tuš ź silikonavaj ščotačkaj ad brenda Belor Desing. Za košt cylindryčnaha pendźlika jana niadrenna padkručvaje, a silikonavyja ščacinki vydatna padychodziać dla karotkich i naroščanych paviek. Dy i cana na jaje pryjemnaja», — kaža majstar makijažu.
Siarod inšaj kaśmietyki Maryny jość tanalny krem Relouis Pro Face&Body Foundation. Srodak lohka nanosicca i abaraniaje skuru ad soniečnych pramianioŭ — na jaho słoičku pakazan filtr SPF30.
Vizažyst raić źviarnuć uvahu na dva adcieńni hetaha tanalniku: «Dla dziaŭčynak, jakija ŭvohule nie zaharajuć, padydzie adcieńnie 1S. A voś dla siaredniestatystyčnaj biełaruski z bolšaj vierahodnaściu padydzie ton 2N — univiersalny ton dla skury ź niejtralnym padtonam».
Taćciana, vizažyst, kansultant u kramie kaśmietyki
«Mnie ŭžo krychu za sorak, tamu matavaja pamada nie zaŭsiody kładziecca tak, jak mnie b chaciełasia», — pryznajecca Taćciana. Kab pakryćcio było roŭnym, majstar vykarystoŭvaje łajfchak: pierad tym, jak nanieści pamadu, žančyna masažuje vusny śpiecyjalnym skrabam ad brenda Modum.
«Paśla jaho ja nanošu balzam ci zvyčajny vazielin, pramokvaju vusny survetkaj i prystupaju da makijažu — tak pamada hladzicca vydatna i trymajecca značna lepš», — adznačaje vizažyst.
Eryka, vizažyst
U kaśmietyčcy dziaŭčyny znajšłosia miesca śviatłoadbivalnamu kansileru ad Luxvisage: «Ja vykarystoŭvaju jaho praktyčna štodnia — sama i ŭ pracy z klijentami. Nie ŭpeŭniena, što taki pradukt padydzie dla ŭzrostavaj ci vielmi pihmientavanaj skury, ale dla maładoj — heta dobraje rašeńnie».
Vytvorca zajaŭlaje, što srodak źmiaščaje vysokuju kancentracyju pihmientaŭ i aptyčna «ściraje» niedachopy: aśviatlaje ciomnyja kruhi pad vačyma i zhładžvaje marščynki.
Jašče adzin pradukt, jaki rekamienduje vizažyst, taksama vyrableny Luxvisage. Praŭda, jaho dziaŭčyna vykarystoŭvaje nie pa pryznačeńni: «Naohuł, heta hiel dla ŭkładki brovaŭ, ale, na moj pohlad, z hetaj funkcyjaj jon spraŭlajecca tak sabie. Zatoje na jaho možna lapić bliskaŭki. Ja nanošu hiel na skułavuju kostku ci na vieki i «sadžu» na jaho strazy — tak jany vydatna trymajucca i potym lohka zmyvajucca sa skury zvyčajnaj vadoj».
Darja, hrymior
Darja pracuje hrymioram kino i telebačańnia, tamu razumieje, jakija pradukty padyduć dla kadra, a jakija — dla zvyčajnaha žyćcia. I, kali ŭ studyi jana vykarystoŭvaje kaśmietyku zamiežnaj vytvorčaści, u jaje asabistaj kaśmietyčcy jość srodak ad Bernovich.
«Brend Bernovich viadomy svaimi cieniami — jany niadrenna trymajucca i majuć mocny pihmient. Praŭda, dla zdymak na TV mnohija ź ich nie padyduć, bo tam zanadta šmat šymiera. A voś dla paŭsiadzionnaha makijažu takija možna brać». Asablivaj luboŭju Darji karystajucca vadkija cieni — jany nie zabivajucca ŭ zmorščyny, lohka tušujucca i trymajucca na praciahu ŭsiaho dnia.
«Maje lubimaje adcieńnie — ružova-załacistaje. Jano bazavaje, tamu jaho možna nanosić i dniom, i dla stvareńnia viačernich vobrazaŭ», — kaža dziaŭčyna.
Nam budzie cikava daviedacca, jakimi kaśmietyčnymi srodkami ajčynnaj vytvorčaści karystajeciesia vy. Dzialiciesia svaimi rekamiendacyjami ŭ kamientarach.
-
Biełaruskam prapanoŭvajuć vip-šopinh sa stylistkaj u Italii. Bonus — invalid pieršaj hrupy ŭ kampanii. Navošta?
-
«Kab dzieci nie vyhladali, jak maleńkija čynoŭniki». Dyzajnierka padkazvaje, jak vybrać školnuju formu z katałoha «Biellehprama»
-
Stryžak ździviŭ svaim jarkim kaściumam z Super Mario. Dzie jon jaho ŭziaŭ?
Stała viadomaje imia mužčyny, zatrymanaha ŭ Mahilovie za nibyta napad na hubazikaŭcaŭ27
Kamientary