Tema numaru — traviełohi (padarožnyja natatki). Drukujucca taksama artykuły pra los archivaŭ Mikoły Abramčyka i Dźmitryja Kasmoviča.
Tema numaru — traviełohi (padarožnyja natatki).
Drukujecca artykuł Lavona Jureviča «Movaju traviełoha», Navuma Halaševiča «Traviełoh Uładzimiera Dudzickaha», «Padarožnyja zapisy Samuela Kichela pra Horadniu j Vilniu 1586 h.» padrychtavaŭ Hienadź Sahanovič.
Źmieščany ŭspaminy Zory Kipiel «Znajomstva z Alaskaj» dy padarožnyja natatki Lavona Jureviča «Manastyrski dziońnik» pra pajezdku i pracu ŭ biblijatecy manastyra Rasijskaj zarubiežnaj pravasłaŭnaj carkvy ŭ Džordanvile (štat Ńju‑Jork)
Drukujucca taksama ŭspaminy pasła polskaha sojma ŭ 1928 h. Alaksandra Stahanoviča z hruntoŭnym uvodnym artykułam historyka Alesia Paškieviča i takimi ž hruntoŭnymi jaho kamientarami.
U raździele litaratura: «Niesientymientalnaje padarožža» Antona Adamoviča, Aŭhiena Kavaleŭskaha «Hości z Tunisa», Paŭła Kaściukieviča «Vidavočca».
Maks Ščur napisaŭ artykuł «Vialiki niaŭdačnik» pra Viačasłava Razumoviča-Chmaru.
Archivy Mikoły Abramčyka i Dźmitryja Kasmoviča. Pieršy źnik, i śledu pa im nie zastałosia, a druhi zachavaŭsia.
Na hetuju temy artykuły Janki Zaprudnika «Da zahadki dziaržaŭnaha archivu BNR u Mikoły Abramčyka» i Natalli Hardzijenki «Archiŭ Dźmitryja Kasmoviča».
U rubrycy «Knižnaja Palica» — recenzija «Kniha padlikaŭ i pralikaŭ» na falijant Juryja Harbinskaha «Relihijny druk na emihracyi» i Lavona Jureviča na zbornik «Asoba j čas» i šmat inšych cikavostak.
Siońniašni štohadovik bahata ilustravany: drukujecca aryhinalny rukapis «Bieznazoŭnaha» Janki Kupały i kalarovyja repradukcyi paminalnych kartak pa biełaruskich dziejačach i prostych ludziach. Isnavała takaja tradycyja na emihracyi.
***
«Zapisy BINIM» vydajucca ad 1952 h. Napačatku vydavalisia ŭ Ńju‑Jorku, ad 2001 h. heta sumiesna ńju‑iorska‑mienski prajekt. Vydajucca štohod.
Dzie nabyć?
Akademkniha (prt-Niezaležnaści, 72), kniharnia «Eŭryka» (Kujbyšava, 75), chutka - na knižnym kirmašy na Kupały, 27 i knihi.net.
Jość na vystavie na siadzibie BNF.
Paśla vystupleńnia Łuhanskaha teatra ŭ Minsku adna z hladačak vyhuknuła «Słava Ukrainie!»5
Kamientary