Jaki transpart buduć zabirać u biełarusaŭ padčas mabilizacyi i ŭ vajenny čas
Ministerstva abarony abnaviła pieralik transpartnych srodkaŭ, jakija padlahajuć pieradačy Uzbrojenym siłam i inšym farmavańniam u pieryjad mabilizacyi i ŭ vajenny čas. Pastanova viedamstva apublikavanaja na Nacyjanalnym pravavym internet-partale Biełarusi.
Traktary ŭvajšli ŭ śpis techniki, jakuju vajskoŭcy zabiaruć padčas mabilizacyi i vajennaha času. Fota: «Naša Niva»
Pad patreby viedamstva pierachodziać usie transpartnyja srodki dziaržaŭnych orhanaŭ, inšych arhanizacyj niezaležna ad formaŭ ułasnaści.
Akramia taho, transpartnyja srodki buduć zabirać i ŭ nasielnictva, a mienavita:
- lehkavyja aŭtamabili z kołavaj formułaj 4×4;
- aŭtobusy;
- hruzavyja aŭtamabili: bartavyja, samazvały;
- hruzavyja aŭtamabili sa śpiecyjalnymi kuzavami: aŭtarefryžeratary, aŭtafurhony izatermičnyja, aŭtakramy, aŭtachlebavozki, furhony na šasi hruzavych aŭtamabilaŭ;
- śpiecyjalnyja aŭtamabili: aŭtavyški, aŭtakrany, aŭtacysterny dla vady i charčovych praduktaŭ, palivacysterny, palivazapraŭščyki, inšyja śpiecyjalnyja aŭtamabili;
- hruzapasažyrskija aŭtamabili;
- siedłavyja ciahačy;
- pryčepy aŭtamabilnyja;
- paŭpryčepy aŭtamabilnyja;
- traktary;
- pryčepy traktarnyja;
- paŭpryčepy traktarnyja;
- samachodnyja mašyny;
- kvadracykły;
- śniehabałotachody kołavyja małahabarytnyja (kvadracykły).
Pastanova ŭstupiła ŭ siłu paśla jaje aficyjnaha apublikavańnia.
Kamientary
I samoje śmiešnoje, čto, procientov 20, sohłasny dobrovolno raskułačiťsia i pomierieť za siemiejstvo, jeŝio, procientov 40, raskułačaťsia i pomrut v polzu siemji iz-za stracha pieried vyživšim iz uma i očień sčastlivym dieduškom.