Nieviadomyja złamali miemaryjalnuju kaplicu z kopijaj abraza Maci Božaj Kurapackaj «Usich niavinna rasstralanych», a taksama try pamiatnyja kryžy na centralnaj alei.
Nieviadomyja złamali miemaryjalnuju kaplicu z kopijaj abraza Maci Božaj Kurapackaj «Usich niavinna rasstralanych», a taksama try pamiatnyja kryžy na centralnaj alei.
Pra heta paviedamiła BiełaPAN pradstaŭnik Kaardynacyjnaha savieta inicyjatyŭ pa daśledavańni złačynstvaŭ kamunizmu i ŭšanavańni pamiaci achviaraŭ tatalitaryzmu Valeryja Čarnamorcava.
Staršynia Biełaruskaha dobraachvotnaha tavarystva achovy pomnikaŭ historyi i kultury Anton Astapovič u intervju BiełaPAN nazvaŭ akt vandalizmu prajaŭleńniem «piačornaha ŭzroŭniu maralnaha stanu biełaruskaha hramadstva», jakoje źniavažliva stavicca da pamiaci prodkaŭ, što zahinuli ŭ vojnach ci byli biaźvinna pakarany. Pavodle jaho słoŭ, takija fakty apahańvańnia mohiłak i miemaryjałaŭ śviedčać ab tym, što prablema vychavańnia kultury pamiaci źjaŭlajecca vielmi aktualnaj dla biełaruskaha hramadstva.
«Ja navat nie viedaju, ci varta źviartacca ŭ pravaachoŭnyja orhany ŭ suviazi z čarhovym aktam vandalizmu. Śledstva ž ničoha nie daść, bo pad achovaj dziaržavy znachodzicca terytoryja Kurapataŭ, ale nie narodny miemaryjał, stvorany namahańniami hramadskaści. I hramadskaść pavinna pravieści invientaryzacyju narodnaha miemaryjała, kab zatym unieści jaho ŭ Dziaržaŭny śpis historyka-kulturnych kaštoŭnaściej Respubliki Biełaruś. Tolki pry takoj umovie možna raźličvać na pośpiech śledstva ŭ vypadku aktaŭ vandalizmu ŭ Kurapatach», — skazaŭ Astapovič.
Na terytoryi historyka-kulturnaj kaštoŭnaści mižnarodnaha značeńnia «Miesca źniščeńnia achviaraŭ palityčnych represij 1930—1940-ch hadoŭ va ŭročyščy Kurapaty», uniesienaj u Dziaržaŭny śpis historyka-kulturnych kaštoŭnaściej Respubliki Biełaruś i raźmieščanaj na paŭnočna-ŭschodniaj uskrainie Minska, pachavany, pavodle roznych acenak, ad 30 da 200 tysiač achviaraŭ stalinizmu.
Ciapier čytajuć
Paśla vystupleńnia Łuhanskaha teatra ŭ Minsku adna z hladačak vyhuknuła «Słava Ukrainie!»5
Kamientary