Cichanoŭskaja abmierkavała z premjer-ministram Bałharyi prajekt «pašparta novaj Biełarusi»
Sustreča ź Mikałajem Denkavym prajšła 28 žniŭnia padčas Mižnarodnaha stratehičnaha forumu ŭ słavienskim Bledzie.
Jak paviedamiŭ «Pozirku» hałoŭny daradca demlidarki Franak Viačorka, Cichanoŭskaja «vykazała nadzieju, što Bałharyja padtrymaje prajekt z novym biełaruskim pašpartam», a taksama raskazała bałharskamu premjeru ab nastupnych krokach pa jaho realizacyi.
Viačorka zaznačyŭ, što na sustrečy razmova taksama išła ab pahrozach niezaležnaści Biełarusi, prysutnaści ŭ krainie najmitaŭ PVK «Vahnier» i padtrymcy inicyjatyŭ, nakiravanych na «ŭmacavańnie biełaruskaj identyčnaści».
«Cichanoŭskaja prapanavała, kab pytańnie Biełarusi było ŭźniata na sustrečach «Bucharesckaj dziaviatki», kudy ŭvachodziać Bałharyja, Vienhryja, Estonija, Litva, Łatvija, Polšča, Rumynija, Słavakija i Čechija, i vykazała žadańnie ŭdziełu pradstaŭnikoŭ demakratyčnaj supolnaści ŭ mierapryjemstvach dziaviatki», — dadaŭ daradca.
«Navat jaho prychilniki zrazumieli, što žyć jak raniej užo nie atrymajecca». Biełarusy raskazali pra atmaśfieru ŭ krainie napiaredadni vybaraŭ8
Kamientary
Otdajtie łučšie politzaklučiennym dieńhi, potračiennyje na etot pasport, putiešiestvija-pieriehovory, sodieržanije imitirujuŝich diejatielnosť ofisov i td.