U Hrodnie źjaviŭsia prajezd Emila Čečki. Tam znachodzicca hienkonsulstva Polščy
U Hrodnie zjavilisia novyja elemienty vulična-darožnaj sietki, paviedamlaje «Hrodna Plus». Pavodle rašeńnia deputataŭ harsavieta, novuju nazvu atrymaŭ prajezd u Hrodnie — Emila Čečki.
U pačatku žniŭnia na sajcie Hrodzienskaha harvykankama zjaviłasia infarmacyja ab tym, što na hramadskaje abmierkavańnie vynosicca nazva prajezda ad vulicy Budzionaha pamiž damami 46 i 48 da vulicy Ažeški pamiž damami 47 i 49. Biez dadatkovych padrabiaznaściej, piša s13.ru.
Havorka jšła pra darohu, jakaja idzie praz dvor budynka, u jakim raźmieščana polskaje konsulstva, z vychadam na vulicu Budzionaha. Pry hetym skrazny prajezd praz učastak adsutničaje, na ŭnutranaj terytoryi budynka ŭstanoŭleny šłahbaumy.
Ciapier prajezd nosić imia Čečki. Emil Čečka — polski sałdat, jaki ŭ śniežni 2021 hoda paprasiŭ palityčnaha prytułku ŭ Biełarusi. Jon raspavioŭ, što nie zhodny z palitykaj Polščy ŭ mihracyjnym kryzisie, abvinavaciŭ Polšču ŭ masavym zabojstvie mihrantaŭ. Čečku ŭ svaich metach aktyŭna vykarystoŭvała biełaruskaja prapahanda.
U sakaviku 2022 hoda jaho znajšli paviešanym u Minsku.
Vydańnie s13.ru dadaje cikavy fakt — ciapier Hienkonsulstva Biełarusi ŭ Biełastoku raźmieščana pa adrasie Skwer Wolnej Białorusi, 1. Takaja infarmacyja raźmieščana na sajcie Pasolstva Biełarusi ŭ Polščy.
Na biełaruska-polskaj hranicy zaŭvažyli biłbord z vyjavaj Emila Čečki. Da jaho ŭžo robiać pilihrymki nastupniki
Polski deziercir Emil Čečka znojdzieny miortvym u Minsku
«Na zachadzie ja rasstrelvaŭ hrupy mihrantaŭ u kolkaści prykładna dvaccaci čałaviek štodnia». Čamu Emil Čečka dahetul na svabodzie i navat daje pres-kanfierencyi?
Polskaha deziercira Emila Čečku pryznali vinavatym u ździekach z maci
Biehły polski sałdat zajaviŭ, što polskija vajskoŭcy «stralali ŭ łob» vałancioram. Žurnalist tłumačyć, što heta moža značyć
Jeŭrapiejcy hatovyja pahadzicca na adpraŭku svaich vojskaŭ dla achovy biełaruska-ŭkrainskaj miažy — vialikaje apytańnie1
Kamientary