У Гродне з'явіўся праезд Эміля Чэчкі. Там знаходзіцца генконсульства Польшчы
У Гродне зʼявіліся новыя элементы вулічна-дарожнай сеткі, паведамляе «Гродна Плюс». Паводле рашэння дэпутатаў гарсавета, новую назву атрымаў праезд у Гродне — Эміля Чэчкі.
У пачатку жніўня на сайце Гродзенскага гарвыканкама зʼявілася інфармацыя аб тым, што на грамадскае абмеркаванне выносіцца назва праезда ад вуліцы Будзёнага паміж дамамі 46 і 48 да вуліцы Ажэшкі паміж дамамі 47 і 49. Без дадатковых падрабязнасцей, піша s13.ru.
Гаворка йшла пра дарогу, якая ідзе праз двор будынка, у якім размешчана польскае консульства, з выхадам на вуліцу Будзёнага. Пры гэтым скразны праезд праз участак адсутнічае, на ўнутранай тэрыторыі будынка ўстаноўлены шлагбаумы.
Цяпер праезд носіць імя Чэчкі. Эміль Чэчка — польскі салдат, які ў снежні 2021 года папрасіў палітычнага прытулку ў Беларусі. Ён распавёў, што не згодны з палітыкай Польшчы ў міграцыйным крызісе, абвінаваціў Польшчу ў масавым забойстве мігрантаў. Чэчку ў сваіх мэтах актыўна выкарыстоўвала беларуская прапаганда.
У сакавіку 2022 года яго знайшлі павешаным у Мінску.
Выданне s13.ru дадае цікавы факт — цяпер Генконсульства Беларусі ў Беластоку размешчана па адрасе Skwer Wolnej Białorusi, 1. Такая інфармацыя размешчана на сайце Пасольства Беларусі ў Польшчы.
На беларуска-польскай граніцы заўважылі білборд з выявай Эміля Чэчкі. Да яго ўжо робяць пілігрымкі наступнікі
Польскі дэзерцір Эміль Чэчка знойдзены мёртвым у Мінску
«На захадзе я расстрэльваў групы мігрантаў у колькасці прыкладна дваццаці чалавек штодня». Чаму Эміль Чэчка дагэтуль на свабодзе і нават дае прэс-канферэнцыі?
Польскага дэзерціра Эміля Чэчку прызналі вінаватым у здзеках з маці
Беглы польскі салдат заявіў, што польскія вайскоўцы «стралялі ў лоб» валанцёрам. Журналіст тлумачыць, што гэта можа значыць
Усё здарылася на Новы год. Смерць самай публічнай супрацоўніцы мінскага АМАПа дагэтуль пакідае пытанні14
Каментары