U Varšavie ŭ siaredzinie vieraśnia projdzie Pieršy kanhres biełaruskaj kultury ŭ emihracyi
Na jaho pryjedzie kala 250 tvorcaŭ.
Užo viadoma, što na varšaŭski kanhres pryjedzie piśmieńnik Alhierd Bacharevič, siarod zajaŭlenych ekśpiertaŭ — mastak Andrej Durejka i dyrektarka Bierlinskaj halerei sučasnaha mastactva Prater Galerie Lena Prenc, piša «Budźma».
Udzieł u padziei voźmuć staršynia Biełaruskaha PENa Taćciana Niadbaj i vydaviec Andrej Januškievič.
Čakajecca, što ŭ kanhresie budzie ŭdzielničać ahułam kala 250 tvorcaŭ i ekśpiertaŭ, zacikaŭlenych u raźvićci kultury Biełarusi.
Arhanizatary InBiełKult 2.0 padkreślivajuć: «Kanhres — vynik sumiesnych namahańniaŭ biełaruskich ekśpiertaŭ i arhanizacyj i źjaŭlajecca važnym krokam da palapšeńnia ŭzajemadziejańnia, stvareńnia efiektyŭnaj madeli supracoŭnictva jak unutry biełaruskaj kulturnaj supolnasci, tak i na mižnarodnaj arenie».
Svajo pradstaŭnictva ŭ padziei zajavili taksama ekśpierty kulturnych arhanizacyj jeŭrapiejskaha asiarodździa: dyrektar Staramiejskaha doma kultury Marcin Jasinski, dyrektar Teatralnaha instytuta imia Z. Rašeŭskaha Elžbieta Vratnoŭska, dyrektar Intytuta Pileckaha ŭ Bierlinie Channa Radzijoŭskaja i mnohija inšyja.
Arhanizatary staviać pierad saboj nastupnyja zadačy:
- daśledavać aktualnuju situacyju;
- stvaryć umovy dla raźvićcia biełaruskaj kultury i zachavańnia kulturnaj spadčyny;
- raspracavać stratehiju realizacyi mastackich prajektaŭ;
- padniać status kulturnych prafiesijanałaŭ;
- pabudavać masty, jakija złučajuć biełaruskich mastakoŭ i kulturnyja arhanizacyi pamiž saboj i ź jeŭrapiejskimi kalehami.
Uvachod na Kanhres biełaruskaj kultury ŭ emihracyi volny, ale pa abaviazkovaj papiaredniaj rehistracyi.
Data: 16 i 17 vieraśnia.
Miesca praviadzieńnia: Centr kreatyŭnaści na vulicy Tarhova, 56, Varšava.
Ciapier čytajuć
«Ja skazaŭ na videa, što mianie nie katujuć — na toj momant heta było praŭdaj. A praź dźvie hadziny mianie źbili». Ukrainski žurnalist dva hady pravioŭ u rasijskim pałonie — voś što jon pieražyŭ1
Kamientary