Lehiendy z 80-ch i 90-ch: toj redki vypadak, kali ŭ Biełarusi hetyja mašyny tańniejšyja, čym u Hiermanii
«Bočki», «cyhary»… Pahladzieli, pa jakich cenach ciapier možna nabyć aŭtamabili, pra jakija ludzi maryli ŭ 90-ja.
Audi
Aŭdzi 100 u kuzavie S3 vypuskali z 1982 pa 1991 hod. Za svaje formy i daŭžyniu ŭ narodzie jaje prazvali «cyharaj». Hetyja mašyny spadabalisia biełarusam, možna skazać, adrazu paśla taho, jak źjaviłasia mahčymaść pryvozić mašyny ź Jeŭropy.
U 1988 hodzie madel pieražyła restajlinh. Zamiest staramodnych dźviarnych ručak źjavilisia bolš sučasnyja tak zvanyja «ŭtoplenyja» ručki. Mocnyja źmieny pieražyŭ sałon aŭtamabila. Ciapier, jak i raniej, najbolšym popytam karystajucca mienavita restajlinhavyja aŭtamabili.
Ceny na takija Aŭdzi pačynajucca z 1000 dalaraŭ. Stolki prosiać za aŭtamabili u nie najlepšym stanie. A voś za samyja darahija varyjanty prosiać užo ad 2500 da 3000 dalaraŭ.
«Cyhara» karystałasia papularnaśćciu nie tolki ŭ Biełarusi, ale i pa ŭsim śviecie. Za 19 hadoŭ vytvorčaści było vypuščana bolš za miljon takich mašyn.
«Bočka»
Jašče adzin bestseler ad Audi — Audi 80 B3, jakuju u narodzie prazvali «bočkaj».
Audi 80 treciaha pakaleńnia vypuskali z 1986 pa 1991 hod.
Na siońnia, u zaležnaści ad stanu, takija aŭto pradajuć pa cenach ad 800—900 dalaraŭ.
A voś za aŭtamabili ŭ vizualna hodnym stanie prosiać prosiać navat pa 3 tysiačy i bolej.
«Bočka» palubiłasia biełarusam pierš za ŭsio svajoj prostaściu ŭ absłuhoŭvańni, nadziejnaściu i davoli stojkim da karozii kuzavam. Niekatoryja pradaŭcy adznačajuć, što niahledziačy na hady mašynu ni razu nie varyli.
BMW
Aŭtamabili bavarskaj marki na postsavieckaj prastory ŭ narodzie rasšyfroŭvali, jak bajavaja mašyna vymahalnika (BMV), bo aŭtamabili hetaj marki karystalisia popytam u kryminalnym asiarodździ.
Adnoj z samych papularnych była «piaciorka» ŭ kuzavie je34. Hetaja madel vypuskałasia z 1988 pa 1996 hod. Tamu jana zastavałasia papularnaj dla pryhodaŭ i ŭ nulavyja. Za dzieviać hadoŭ vypusku było vypuščana 1 333 412 BMW u kuzavie je34.
Da siońniašnich dzion dažyli niamnohija. Ceny na aŭtamabili, jakija, zhodna z apisańniem, zdolnyja pieramiaščacca z punktu A ŭ punkt B, pačynajucca z 1300 dalaraŭ.
Dahledžanyja ekzemplary pradajuć užo pa cenach ad 3 tysiač dalaraŭ. Za samyja darahija varyjanty prosiać pa 5 tysiač dalaraŭ i bolej.
Takija mašyny ceniacca nie tolki ŭ Biełarusi. Hetyja BMW užo padpadajuć pad termin janhtajmier. Tamu ceny na ich u Jeŭropie ni krychu nie mienšyja za našyja. I tańnieć takija aŭto ŭžo dakładna nie buduć.
Siarod pradavanych u Biełarusi jość cikavyja varyjanty, jak biełaja Je34 1992 hoda vypusku. Prosiać za mašynu $8000.
Pad kapotam u jaje 2-litrovy bienzinavy ruchavik. Kali vieryć apisańniu, u hetaha aŭtamabila rodnyja parohi i dno.
Taksama niabłaha vyhladaje zialonaja «piaciorka» ŭ kuzavie ŭniviersał za 4950, jakuju pradajuć u Hrodnie.
Jašče adzin biestsieler ad BMW — heta «trojka» ŭ kuzavie Je36. Madel vypuskałasia z 1990 pa 2000 hod. Ceny na takija aŭto vielmi roznyja. Za samyja zapuščanyja varyjanty prosiać ad 1000 dalaraŭ. A voś za «žyvyja» je36 prosiać užo ad 3 tysiač dalaraŭ i bolš. Samymi kaštoŭnymi źjaŭlajucca aŭtamabili ŭ kuzavie kupe z ruchavikom ad 2 litraŭ.
Adzin z vartych uvahi varyjantaŭ pradajecca ŭ Minsku. Za mašynu 1996 hoda vypusku prosiać $4350. Aŭtamabil vyhladaje badziora, choć navat pa fota vidać, jak niekatoryja elemienty kuzava adroźnivajucca adcieńniem ad inšych.
Tym nie mienš, ahulny vyhlad i stan sałona śviedčać ab tym, što mašyna davoli dobra zachavałasia. Da taho ž, u jaje davoli bahataja kamplektacyja. Pad kapotam 6-calindravy ruchavik abjomam 2 litry, aŭtamatyčnaja karobka pieradač, dvuchzonavy klimat-kantrol.
Mercedes-Benz
Mercedes-Benz u 124-m kuzavie vypuskaŭsia z 1984 pa 1996 hod. Madel była nastolki papularnaja, što ŭžo ŭ siaredzinie leta 1992 hoda byŭ vypuščany dvuchmiljonny ekzemplar.
Za ŭvieś čas vytvorčaści aŭtamabil pieražyŭ dva restajlinhi, u 1989-m i 1993-m. Paśla druhoha restajlinhu 124-ty staŭ nazyvacca «Je-kłasam».
Restajlinhavyja «Mersy» pradajucca pa cenach ad 1500 dalaraŭ. Ale bolšaja častka mašyn u prodažy kaštuje 3000 dalaraŭ i bolš.
Za samyja darahija prosiać bolš za 5 tysiač. Najbolš kaštoŭnymi źjaŭlajucca aŭtamabili ŭ kuzavie kupe. Ich u prodažy ŭsiaho 8 štuk na ŭsiu Biełaruś. A restajlinhavych — usiaho try.
Adzin ź cikavych varyjantaŭ pradajecca za $5600. Stolki prosiać za mašynu 1994 hoda vypusku ź bienzinavym ruchavikom abjomam 2,2 litra.
Zaŭvažna, što ceny na Mercedes-Benz w124 z dvuma dźviaryma ŭ Hiermanii jašče bolšyja, čym u Biełarusi. Tam samy tanny restajlinhavy w124 u kuzavie kupe pradajecca za 4500 jeŭra, a ŭžo nastupny pa canie aŭtamabil acenieny ŭ 5,5 tysiač jeŭra.
Čytacie taksama:
Jak u časy SSSR. Kab kupić Geely, treba čakać u čarzie
Hladzicie i płačcie. Kolki mahli b kaštavać aŭtamabili, kali b Biełaruś nie ŭstupiła ŭ Mytny sajuz
U Breście jość svaja Barbi. Jana raśsiakaje pa horadzie na ružovym BMW F30
Kamientary