Praciah adnaho z najpaśpiachoviejšych postapakaliptyčnych šou HBO pad pytańniem
Papularnamu sieryjału The Last of Us daviadziecca jašče trochi pačakać, pakul vytvorčaść budzie zapuščanaja.
Fanaty «Apošnich z nas» znajomyja sa skačkami ŭ časie. Tak, padziei pieršaha epizoda adbyvalisia ŭ 2003 hodzie, ale zatym dziejańnie pieraniesłasia adrazu na 20 hadoŭ napierad (kaniešnie, nie biez mnostva fłešbekaŭ ciaham usiaho siezona).
Tamu, mahčyma, heta i dobra, što amataram šou nie zvykać da skačkoŭ u časie, bo ŭ rečaisnaści pamiž pieršym i druhim siezonami «Apošnich z nas» moža być bolšy razryŭ u časie, čym usie čakajuć. Pa słovach adnaho z šoŭranieraŭ Krejha Mezina, usie płany na druhi siezon vykananyja. Adnak tupik, u jaki zajšli kinastudyi i hildyi scenarystaŭ i akcioraŭ, što bastujuć, prypyniŭ pieravažnuju bolšaść pracy nad sieryjałam, paviedamlaje Inverse.
Mezin i jašče adzin z šoŭranieraŭ Nił Drakman utrymlivajuć na pracy niekatorych členaŭ zdymačnaj hrupy i pracujuć nad druhim siezonam i scenarom pieršaha epizodu, jaki Mezin skončyŭ za niekalki hadzin da pačatku strajku scenarystaŭ. Adnak prytrymlivacca pieršapačatkovaha hrafika vytvorčaści prosta niemahčyma. Heta rasčaravalnaje raźvićcio padziej dla hledačoŭ, ale, viadoma, spraviadlivy zarobak piśmieńnikaŭ i akcioraŭ staić tut na pieršym miescy. Niekatoryja raboty pry hetym usim usio ž adbyvajucca.
Darečy, dziejańnie ŭ praciahu videahulni The Last of Us Part 2 adbyvajecca praź niekalki hadoŭ paśla padziej pieršaj častki. Tamu možna mierkavać, što druhi siezon taksama budzie mieć skačok u časie. Takim čynam, mahčyma, heta nie budzie tak krytyčna, jak u situacyi ź jašče adnym vielmi papularnym šou Stranger Things, kali ŭ suviazi z zatrymkami ŭ vytvorčaści vidavočna pastalełyja akciory mohuć pačać nie adpaviadać pa časie praciahu historyi.
Takim čynam, na hety momant nieviadoma, kali pačniecca surjoznaja vytvorčaść druhoha siezona «Apošnich z nas», ale daŭnim fanam nie zvykać da čakańnia. Pamiž aryhinalnaj videahulnioj i 2-j jaje častkaj było siem hadoŭ pierapynku, tamu ŭ druhoha siezona sieryjała jašče jość, prynamsi, niejki čas da 2030 hoda. Zrešty, vialiki Devid Linč źniaŭ praciah svajho kultavaha šou «Tvin Piks» praz bolš čym 25 hadoŭ paśla zakančeńnia druhoha siezona ŭ 1991-m.
Što pahladzieć. «Adny z nas» (The Last of Us) — absalutna zachaplalnaja antyŭtopija
Halivudskaja «navatarskaja» ŠI-prapanova dla akcioraŭ hučyć jak scenar dla fantastyčnaha filma
Režysior Devid Linč atrymaŭ hanarovy «Oskar» za ŭkład u kiniematohraf
«Vielmi dziŭnyja spravy» na miljony. Čamu varta pahladzieć novy siezon samaha rejtynhavaha šou Netflix u historyi?
«A što ŭ vas za prablemy? Daloka da Minska ci niama kamu padvieźci?» Publičnaja pikiroŭka Łukašenki i Pašyniana13
Kamientary