Režysior Devid Linč atrymaŭ hanarovy «Oskar» za ŭkład u kiniematohraf
Amierykanski režysior Devid Linč u niadzielu byŭ udastojeny hanarovaj statuetki «Oskar» za ŭkład u kiniematohraf. Ab hetym paviedamlajecca na sajcie arhkamiteta premii.
Adzinaccataja cyrymonija ŭručeńnia hanarovaj uznaharody prajšła 27 kastryčnika ŭ Łos-Andželesie. Atrymlivajučy statuetku, režysior byŭ niešmatsłoŭny, skazaŭšy tolki: «U vas vielmi cikavy hust».
Devid Linč naradziŭsia ŭ ZŠA ŭ 1946 hodzie. Jon źjaŭlajecca łaŭreatam premii «Załataja palmavaja halina», udastojeny pryza za režysuru Kanskaha kinafiestyvalu i «Załatoha lva» za ŭkład u suśvietny kiniematohraf. U liku najbolš viadomych rabot Linča - poŭnamietražnyja filmy «Čałaviek-słon», «Małchołand Drajv», «Prostaja historyja», «Sini aksamit» i papularny sieryjał «Tvin Piks».
Kamientary